الأربعاء، 3 سبتمبر 2008

وزتى .....................ورمضان

























كل سنة وانت طيبين وحشتونى قوى


بقالى زمن مكتبتش على مدونتى واهملتها من كتر الشغل والمشاكل ...........


المهم رمضان جه وعلى قد الفرحة على قد ذكرياتى


أحساسى برمضان السنة دى غريب


مش عارفة لية يمكن علشان الحياه اختلفت كتير




يمكن أول سنة مش هفطر انا وشلتى خلاص بقة صعب نتجمع تانى بعد وفاة مى


فاكرة زى الايام دى كنا نفطر وننزل نصل التراويح واقعد ادور على شيخ بيقصر فى الصلاة ومى تقول حرام وانا اقول لها حرام اية دول 11 ركعة وانا شغالة طول اليوم




مرة روحت الجامع لوحدى وكان الجامع تبع الاخوان وما ادراك الله الصلاة خدت ساعتين ونص


وروحت لمى وانا بعيط ومى تضحك وتقول احسن


كانت احلى زكرياتى


المهم اللى فكرنى وزتى


كل يوم تفطر وتشمر الجلابية وتقول انا نازل اصلى التراويح ويرجع 12 بالليل بيعط


اقوله دور على جامع اخف شوية يشخط ويتنطط ويقولى حرررررررررررررررررام احنا فى رمضان




وشويه اتهرش وبدا يتحول ويكلمنى ويقول ...........


وزتى : متلبسيش الطقم ده قصير واحنا صايمين


سيكو: حاضر


وزتى : اه والطقم التانى كمان ..


سيكو : حاضر


وزتى : أه وبلاش الجيبة


سيكو : البس انا اية دلوقتى


وزتى : معرفش


سيكو : حاضر


وزتى : طب هتلبسى اية


سيكو : هتصرف


والوزة يا اخوانا من ساعة ما رمضان بدء وانا مش بشوفها


لكن عامل زى المخبرين على التليفون




ربنا يستر علشان وزتى اتهبلت من اول رمضان


ربنا يعدى رمضان على خير

ووزتى يا شباب اشترت ليا فانوس كبير طولها كدة بمناسبة رمضان ربنا يخليها ليا وزة مروشة


كل سنة وانتم طيبين