سى سيد المتخفى

اكتشفت حاجه مهمه جدا

الرجاله بيحبوا امينه جدا واى واحده تفكر انها تفكر تكون اتجننت
زى منا اتجننت

مجرد مناقشه وفتح حوار وانه يبدا يحس ان ليك راى تبقى خلاص اتجنننتى واتهبلتى واحتمال كبير يقول انك مسترجله ( رجل يعنى )
حتى فى مناقشات العاديه بينى وبين حد القيه يطول 3 سم ويقول انا راجل وانتى ست
بينى وبينكم بضحك فى سرى واقول يعنى ايه عندك ديل زياده افادكم الله منا عارفه انى ست مش راجل

حاجه تطهق

مش عارفه اتكلم براحتى
اقول ليكم اتكلم بكره سلام

غيرة بنات

يرضيكوا كده هيجى يوم وانضرب زى شجرة الدر كل ده وانا معملتش حاجه واحضرونا بقه .........



روحت احضر الكورس بتاعى بعد كده بتاع ول ول واللى حصل لا بتشاف ولا يتقرا :



بصراحه روحت شيك اليوم ده ومعرفش ليه كنت مهتميه بنفسى كده ودى مش عادتى حلو قوى ودخلت المكتب لقيت



سوسو ومنمن وباهى قريب سوسو وانا اعرفه من زمان وقعدنا نضحك ومنمن قالى انه كان هياكلمنى النهارده ويحكى ليا



عن الاتى :

انتى مش بتسخرى من الصعيده ايه اريك انى قابلت اتنين من طنطا تايهين بيدوروا على سا قيه مكى وواحد يقوله



دى فى الجيزة والتانى يرد دى محافظه تانيه خالص لا دى فى القاهره والواضح انهم سخنوا وخدواها مشى من

كوبرى الزمالك ؟؟؟؟؟؟؟؟؟؟؟؟؟؟؟؟؟؟؟؟؟؟



رديت وقلت احضرنا يا باهى دى فيها حاجه رد وقال لا

وقعدنا نحكى عن طرائف الصعايده واجتماعنا وانا باهى على منمن



المهم ودخلنا فى طرائف المترو وباهى حكى الاتى :



مره وهو فى المترو جت بنت واقعدت تعاكس فيه وهو مش عارف يعمل ايه والناس مستغربه يقولى اروح هنا تيجى ورايا اتنقل ورايا لغايه ما خلتنى اسيب المترو



المهم قلت له لالالالالا اضحك انا بقه



سيكو : مرة وانا نزله المترو مستعجله جدا والمترو جه وزحمه موت ولازم ادخل وانا داخله لقيت واحد مسك ايدى ودخلنى وفضل ماسك فيها بينى وبينك يا باهى انا فضلت بصه على ايده مستغربه ومزبهلا ولسه هلف اهزقوا لقيتلك شاب زى القمر ووسيم جدا وواضح انه لسه مستحمى بلوكس وقمر وقمر بينى وبينك يا باهر انا اتكتمت ومفتحتش بقى وفضلت متنحه وهو فهم وسا ب ايدى وانا فى سرى بقول ليه ليه خليها شويه ؟؟؟؟؟؟؟؟؟

وشويه سالنى نزله فين .....فرديت اوتومتك المحطه الجايه هههههههههههههههه

باهى وقع من الضحك وقالى انتى مصيبه ........

المهم قعدنا نهزر وعرفت انا وسوسو ان باهى رايح ديسكو



سوسو : خدنى معاك

سيكو : وانا وانا بقالى كتير مروحتش وقعدنا نتحايل عليه لا يمكن ابدا



المهم منمن اضايق ودخل الكورس وسابنى وقال يارب تفطسى يارب



المهم دخلت بعده بشويه وحصل الاتى :

المنظر كان مضحك جدا



كانوا قعدين البنات فى جه والولدين فى جه وروحت انا وقعدت جنب كارلوس وده طالب جديد المهم اول ما دخلت ول ول انبسط وضحك وابتسم قوى قوى



المهم قعدت جنب كارلوس وجنبه ول ول والناحيه التانيه قدمنا شيماء وايمان وباقى البنات ......



قعدت وكان بيحكوا فى الطبخ .....ول ول متابع ليا كل ما تكلم ينط من ورا كارلوس ويقعد يبص ليا ويوجه ليا الكلام لغايه ما رقبته اتلوحت



اما شيماء وايمان كل ما كانوا يتكلموا الكلام كله موجه ل ول ول ومش طايقنى وانا قاعده هموت من الضحك البنات كرهونى خاااااااااااااااااااااااالص



المهم حصلت دوشه بره ومعرفناش نكمل ومنمن قالى اتصرفى انتى مش ليكى سلطه هنا قلت اوك وخرجت

ودخلت

واول ما دخلت لقيت منمن اللى واضح انه قفش الحوار وقال:

منمن : ول ول عاوز يقتلك وبيقول انه هيعلقك فى الحيطه



سيكو : انا يا ول ول وبنعومه ( اهون )

ول ول : احمر قوى قوى وقال انا لا ...... ابدا .......محصلش



وبجد احمر جدا وخفت عليه

البنات بقه كانوا خلاص هيموتوا وغلوشوا على الموضوع

ورجعنا تانى

شيماء تتحدث وتبص لى ول ول وايمان شرحوا

وهو كمان يتكلم ينط من فوق كارلوس ويكلمنى



المهم جه سؤال لمنمن نكتب افعال متضمنه اول حروف اسم كل واحد

المهم قعدت اكتب ومش عارفه اجيب فعل لحرف o المهم سالت ول ول



سيكو : بكل براءه عاوزه فعل يبدا بحرف ال o



ول ول : وكان متنح بطريقه تموت من الضحك وقال

o ....o ......a مش عارف وتنح



انا كنت هموت من الضحك لان شيماء كانت هتضربنى لانها بجد جميله جدا و انا معجبه بيها وهو مش شايفها



المهم خلص الكورس ول ول روح مضايق لانى تجاهلتوا وعادى بقه

شويه نزلت ورحت الدور التانى



وانا نازله لقيت قطه حامل بتجرى جنبى وخضيتنى وقعدت اكلمها واقول ليها كده انا اتخديت

ولقيت ولد قاعد وفجاه لما لاقنى بكلم القطه اتعدل وازبهل وباين قال فى سره دى سيكو خالص مالص

ولكن وانا طالعه لقيته وقفنى وقالى هى الساعه كام
( فى سرى قديمه قوى ) وقلت له اسفه مش معايا ياعه وقعدت اتكلم معاه شويه واستاذنت بلطف وروحت



وخلص اليوم ...............................................

بجد ........بجد .......فى حاله عبط عامه

بجد بجد فى حاله تخلف فكرى جامده فى البلد ...................
المهم يا شباب فى عدم وعى كامل وهبل شديد وتدنى ثقافى جامد بجد واليكم اللى حصل واحكموا انتوا :

روحت السنتر وقلت اقعد مع سوسو شويه وكان فى اتفاق سابق انى اروح اجنن منمن واحكى له اللى حصل مع المتيم الاجنبى واغيظه شويه علشان هى مش قادره تقول اوك حلو كده المهم :

روحت ودخلت والحوار دار ما بينا كالتالى :

سيكو : سوسو ايه اخبار المتيم بتاع امبارح

منمن : تصورى يا سيكو تروح تنادى له ودخلوا وتتكلم معاه

سيكو " بكل براءه لالالالالالالالالالا يا منمن انا اللى ناديت عليه
هههههههههههههههههههههههه

منمن وهو مولع نار : انتى طيب استحملى بقه

المهم قعدت اغيظ فيه واعيد له الحوار اللى فات ودار ما بين سوسو والمتيم


وفجاه لقيتوا بيطلع دخان قلت كده كفايه يا سيكو الراجل خلاص ولع وسوسو بعتت نظره وقالت كده كفايه

المهم دخل وسابنا قعدنا نرغى وسوسو قالت روحى احضرى معاه وشوفى بيعمل ايه

المهم دخلت وجو المنظر كالاتى
انا اول مرة ادخل وكان فيه حوالى عشرة قاعدين داير ما يدور وخدت كرسى جنب ولد وسيم جدا ووصفه ( طول بعرض بعيون خضراء + انه فعلا وسيم وحاسس بنفسه ) المهم عملت عبيطه وواضح ان ده معجبوش لانه اضطهدنى بعد كده ................................

المهم كانت المحادثه عن اسرائيل وعن الدوله وكده والحوار بارد الى ان دخلت فيه
منمن : انتى شعورك ايه يتحبيهم ولا بتكرهيهم

سيكو : انا بحترمهم وبكرههم

االولد : انا بكرهم

صاحبوا : هجوم عليا انا بكرهم وبعتبر اللى بيحترمهم عميل

انا فى بالى عميل ايه ابن المهروشه ده
المهم رديت عليه كالاتى
لازم لما تكره عدوك تحترمه وتحترم عقله علشان تعرف تحاربوا واديتوا مثال سنه 67 ولما عبد الناصر استهان بيهم جت النكسه وبعد كده لما احترم عقليته فى حرب الاستنزاف وبعده كده انتصارنا

طبعا ازبهل واكتم لسبيبن :

الاول : الانجليزى بتاعى كويس

الثانى : انى مثقفه جدا وبالذات فى اسرائيل انا بحثت عن كل اصولهم ومعتقداتهم

المهم السوال التانى لمنمن معلوماتك عن الدوله الصهيونيه ( اسرائيل )

سيبت كله يرد محدش عارف عنهم حاجه غير انهم دوله قامت بمساعده الانجليز ووعد بلفور

تدخلت اخير وقلت بدل ما اقول اضربهم
سيكو تتحدث :
اولا قبل ان تقوم اسرائيل حاولوا اقامه دوله فى جنوب افريقيا وكان عدد افراد المستوطنه خمسين شخص لا اكثر ولكن لم يستطيعوا اكمال المسيرة لسبيبن
الاول صعوبه المنطقه الثانى ان القائد كان نوعا ما مجنون وهما مستحملوش وبعد كده اختارا فلسطين لبناء دولتهم

ثالثا : هى مش دوله مش معقوله هما يكدبوا واحنا نكرر كدبهم دول حراميه ومينفعش ننسى اصلهم ونقبل يتقسيم الدوله الفلسطنيه التنازل عن جزء يعنى التنازل عن كل

المهم الاولاد اتخنقو ومستحملوش وكان الولد الجميل اللى جنبى هيقوم يضربنى

ورجع هاجمنى تانى وقال :

اليهود هما اللى بنوا الاهرامات


بصراحه بصراحه كنت هقوم وبنعل الجزمه على دماغوا بس قلت اشوف بيفكر ازاى
المهم سالتوا منين المعلومه دى يا جهبز يا ذكى با ابن الذكى
قالى من النت
اه قلبى
نت ايه الشات

اه هموت
ورد بسخافه وقال والقران الكريم برضوا بيقول انهم تعرضوا لاذى ويمكن ده سبب تفسير الايه واللى عملوا فيهم فرعون

انا وكنت سخنت وهقوم اخدوا قلم على قفاه وانسى نفسى وقلت اضربوا واروح العباسيه ولا يهمنى

قلت ليه الاتى : القران الكريم بيوضح انهم عاشوا فى مصر حوالى عشرين سنه من مولد سيدنا موسى لنزول العهد لرحيله الى ارض كنعان
ده اولا ثانيا :
الاهرامات خدت مراحل بناء والمده الزمنيه لكل هرم خدت عشرين سنه لكل هرم واتبنوا على مراحل

ثالثا وده الاهم اليهود اللى انت بتتكلم عليهم حاجه والصهاينه وحركتهم حاجه تانيه خاااااااااااااااااااااااالص

الواد ازبهل وبدا يرخم وقال انه عاوز يغير موضوع المناقشه لحاجه خفيفه لان الكلامات صعبه

وكان مش طايقنى
قلت احسن لحسن هضربوا بجد

وقعد يشوف انا برسم ايه ويرخم عليا وشويه يتجاهلنى ولا كانى ضرته وعملت عبيطه واتصحبت على البنات

المهم خرجنا وانا بكلم سوسو دخل فقلت ليها انه كان هيضربنى جوه ودردش معاه شويه وخلاص

بس الملاحظه الاتيه مهمه :
مش مهم شكل سيادتك بالنسيه لى وانا عارفه ومتاكده انه اضيق جدا انى منبهرتش بيه لانى بصراحه مبحبش السكر الزياده

وثانيا وده الاهم هعمل بيك ايه وانت حمار

ثالثا " لازم نفوق ونشوف احنا رايحين فين لانه من الواضح اننا رايحين فى داهيه

الاسرائيلين مش بيهزروا دول عالم مخططه وعارفه هى عاوزة ايه ولو واحد مصرى بيقولى كده على الاهرام وصدق امال اللى بره هيقول ايه بجد انا اتصدمت من الكلام

دول الكومنولث ....................تعترض وتحتج

السلام عليكم :

ازيكم عاملين ايه

النهاره هحكى ليكوا يومياتى زى كل مرة برضوا

المهم يوم الاثينين انا صحيت بدرى على غير العاده قمت 10 الصبح وبما انى كائن ليلى فكنت قرفانه او باين ده تاثير الدواء لان الدكتور سالنى فى الموضوع ده ........

وشربت الشاى وكله تمام وبعد فاصل من الخناق مع صديقى ........................قعدت اظبط مدونتى ونزلت اروح الكورس

كله تمام مفيش جديد المهم وصلت لهناك ولقيت سوسو قاعده ومعاها منمن دخلت وسلمت كله تمام وقعدت اهزر شويه ومنمن سال على صديقى والحمد الله كلوا تمام

المهم دار حوار بينى وبين منمن لان كان معاه تليفون وقال يرخم عليا شويه

هو بيتكلم مع واحد وفجاه لقيتوا بيقول له انت مش عاوز تتجوز ...................عندنا العروسه وقعد يحكى عنى قمت رافعه حاجب وقلت ماشى ...واتكلمت معاه ودار حديث ثلاثى بينى وبين منمن وبين منمن والراجل من ناحيه تانيه

المهم منمن خلص ......................حلو قوى ........تعالى لحمو يا حبيبى

وبدات

سيكو : منمن منمن

منمن : نعم

سيكو : i ove u l

( بفكروا بالبنت اللى متبمه بيه وقالتها له وانا قاعده )

وفجاه لقيت منمن طول 2 سم وقااااااااااااااااااااال

سيكو خليكى محضر خير وبطلى علشان سوسو بتصدق

سيكو : الله مش حصل

منمن : محصلش

سيكو : بتيكدبنى اهى اهى اهى واللهى حصل

سوسو دخلت الحوار وقالت

سيكو ميتكدبش

المهم قالى قومى من هنا وبعد كده جت نورين ودى طفله كنت بدرس ليها انجليزى فى السنتر وهى بتعتبرنى اختها الصغيرة اصلى ببقى تافه جدا معاهم المهم جابت ورق وقالت نرسم وطلبت ارسم ليها حاجات وفعلا رسمت ليها لوحه فيها عيون وورد وقلوب وفى الاخر سمكه

لقيت منمن جه سالنى ليه السمكه رديت وقلت اسيب البنت جعانه يعنى تحب بدون اكل ..............الله متفهمونى بقه

المهم قمت دخلت الفصل لقيت مين ولدين وهما بس فى الفصل وبنت عيدت عليهم وكله تمام لكن وانا دخله اول ما شافنى ول ول لقيته بيسبل وماسك الموبيل وبيقولى

ول ول : انا استنيتك المره اللى فاتت علشان ابعت ليكى النغمه لكن انتى كنتى مش موجوده

سيكو : ( فى سرى هيييييييييييييييييييييييه الواد طب نكمل بقه ) المهم عملت عبيطه ورديت وقلت بكل براءه الطفل الاهيل المستهبل وانا يا حضرات لما استهبل ببقى سكر سكر

نغمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ول ول احمر جدا ( وانا بموت فيه وهو محمر زى الفراخ البيضه كده وقلت لما اخضروا بقه كفايه يا سيكو الواد هيطفش )

سيكو : اه مرسى جدا لذوقك انا هفتح البلوتوث وابعتها ليا

ول ول فتح وكان مضايق لانه من الواضح كان عاوز الرقم

وانا فى بالى رقم مين يا ولدى نهدى شوبه انا لسه متخانقه مع صديقى بسبب الحركات الواطيه دى

وجت النغمه من غير ما اشكروه ولقيته باصص ليا علشان اشكروا وانا عملت عبيطه خاااااااااااااااااااااااااالص ماااااااااااااااااااااااااااالص

المهم بدا الدرس مع نظرات لطيفه وانا كل شويه الموبيل يرن والقيه يبص ليه و هيموت وينطق مين مين اوعى يكون صديقك احنا سامعين انكوا متخانقين دايما يارب

اه يا اين .....؟؟؟؟؟؟؟؟؟؟؟؟؟؟؟؟ شامتان فيا اوك

المهم شويه والحوار كان فى الفصل ومحادثه انجليزى وجه الدور عليه يتكلم ولقيته باصص ليا يالرغم انى جنبوا والمفروض يبص الناحيه التانيه للمستر لانى عكس الاتجاه وانا كنت قصده مقعدش قدامه علشان يبطل كل ما يبص ليا يحمر .....

المهم شويه : وشوشو طالبه جوه معانا ودخلت الحوار معاه وسيبتهم وهاتك يا تسيبل للواد والواد بيستنجد بيا ويبص ليا وانا ابص فى السقف هههههههههههههههه

وفى سرى بستك عليه بستك هو انا ناقصه ..........

المهم تدخلت فى الحوار وكله سكت لانى اقوى واحده فيهم وقعدت اتكلم معاه ودار حوار لذيذ عن انه عاوز يخطب ويتجوز ويستقر هههههههههههههههههههههههههههههه حوار عام

وقالى وانتى ..............

رديت وقلت كل اهتمامى على الشغل بس ( وفى سرى يجوا يشوفوا الواد اول ما دخلت اتلوح عليا لدرجه كنت هقول له رقبتك يا بنى انا تعبت )

وشويه

جه الدور عليا واتكلمت عن حياتى وجه سيره رخصه عربيتى وازاى طلعتها وحكيت اللى عملتوا فيها ايه بقه هحكى ليكوا وارجع اكمل ( انا عندى عربيه 128 حقيره جدا ولذيذه اول ما جبتها كان ليها حكايات عجب اول ما كنت هطلع رخصه روحت انا واخويا ومسكت فى خناق ظابط قالى انى اجى بعد 6 شهور انا اذبهلت ليه سته مش تسعه منا حامل فيرس بقه المهم كلمه منه كلمه منى وهات يخناق وبما انى كنت بشتغل فى مكان له صيت دخلت للرائد وقلت له فقالى بعد 3 ايام تعالى وفعلا روحت وفضلت اسبوع على كده كل يوم بكرة يكرة واخر ما زهقت دخلت ليه وقلت انا همتحن النهارده وهاخد الرخصه اوك فقال خلاص وفعلا امتحنت ونجحت وخدتها )

نرجع مرجوعنا حكيت لى لولو الواقعه لقيته بيقولى رخصك بقة وبيضحك ههههههههههههههههه

رديت بابتسامه : ده انا مطلعكش من هنا انت نسيت انا مين ( فى سرى عبيط ده ولا ايه )

المهم يا شباب انتهى الكورس وهو خارج قعد يسبل ولاقنى بقولوا لوسمحت ....لقيته ابتسم قوى وهيقف ......قلت له لالالالالا فهمت غلط .....لوسمحت اعدى .هههههههههههههههههههههههههههههههههههههههههههههه.....وسيبته الوان الوان

المهم دخلت لسوسو وقعدنا نحكى ونفتح المدونه وتقولى ملاحظاتها وعجبها جدا التعليق منا ماشيه بشرد لنفسى طفله بقه ......وشويه دخل ولد اجنبى بيموت فى سوسو حب من النظره الاولى واول ما شافنى خرج ولا كانى شاف تعبان ...

قعدت اتكلم معاها هتعملى ايه المهم نادت الولد ودار الحوار كالاتى

انا قاعده على المكتب وبظبط مدونتى وهى وهو قدامى دخل وسلم ووصف ليه ( طول بعرض بشغر ناعم ....حاجه كده تشرح القلب الحزين ) المهم دار الاتى

سوسو : ازيك انت بتتكلم عربى ولا انجليزى

المتيم بحروف مكسرة جدا : عنجليزى لا عربى مكسر

سوسو : حلو خير انت عاوز ايه

سيكو : براحه يا سوسو الواد غلبان فى غربه

الولد : انتى متجوزة

سوسو : لا مخطوبه

المتيم : فين مفيش دبله

سوسو : اه يا ابن القرعه كبستنى لا ما انا هتجوز

المتيم : امتى ممكن احضر الفرح

سيكو : لا كده هتموت يابنى وسالتوا انت كام سنه

المتيم : انا اتنين سته ................26

فى بالى ده رقم اتوبيس ولا ايه ايه اتنبن سته دى المهم سوسو قعدت تفهم فيه انها اكبر منه ب 13سنه وعنده ولدين وناويه تتجوز وكده المهم الولد ما اقتنعش الا لما طلعت البطاقه واستسلم وقعد يهزر معانا وقات فى بالى حرام نضحك معاه شوبه الله فى عونه اتصدم

المهم شوبه وسوسو هتستخدم كارت النداله وهتسينى لوحدى معاه فى المكتب وقالت انا هروح للعيال وانا قلت اه يا ندله كده المهم خرج الولد

وهو خارج سال على اسمى قلت له سيكو فى خدمتك وسلم وخرج

مش ده المهم .............................المهم لقيت سوسو زعلانه وبتقولى شوفتى حتى دول الكومنولث بتطالب بتحديد معاد الفرح هههههههههههههههههههههههه

قلت ليها منظرك وحش خالص مالص وقعدنا نهزر ونضحك ونسخر قليلا من حالنا وحكيت ليها عن ول ول وللى حصل فقالت الولد وسيم ومتيم قلت طيب واحنا نزلين وقفنا واتنين اجانب وسالنوا عن عنوان ودلناهم وكانوا سكر وقفوا هزروا معانا شوبه واحنا كنا عاوزين حاجه تفك عنا وعن سوسو اللى فجاه اكتئابت من معامله منمن وقعدت تسالنى ايه الحل وكده وقعدت ضحكتها شوبه واترجتنى اجى بكره احكى له الموقف واحرق دمه قلت ليها بسيطه جدا سيكو تحت امرك .......وده كان يومى

انا و....................................اليسا

شريطها الجديد جميل فى كلمات بتمسنى زى :

اديك عرفت اللى مكنتش عاوزه انك تعرفوا اللى بقاله كتير فى قلبى محيره ومخوفه من كتر حبى فيك انا قربت اكرهك عشان مش عارفه اكتر من اللى عملتوا اعمل ايه كل القلوب سمعتنى وانت مش سامعنى ليه .

دلوقتى عرفت مالى وعايشه فحبك لوحدى وليه دايما فى حالى

خد بالك عليا دى مش معامله تعاملنى وابقى افتكر ليا ايام تعبت عشانك فيها

ياريتك بس تفهمنى ومتستهونش بوحدها تبقى مجروحه ومتبينش دى الواحده قد ما تضحى اول ما بتفكر مبتستاذنش

من غيرى عايشه تخاف عليك طول عمرها من غيرى هتسيب روحها ليك لو سبتها مين غيرى لو تحتاج ليها هتلاقيها

واغنيه

انا بستغرب عليه ليكون فى حد قاله او شوقى يكون وصله لو فاتنى العمر كله لوحدى طب وماله خلاص مش محتجالوا كل العالم بحاله ولا بغنى عن سواله

ده بالنسبه لى ايه ده حبيبى وكل حاجه ده ميبش فى قلبى حاجه توصف احساسى بيه

لوحدى طب ومالوا لوحدى طب ومالو لوحدى طب ومالوا

الست دى امى .......الرحمه بقه

المدونه المره دى عن ست الكل امى وعن يومياتى معاها وكل الخناقات اليوميه اللى بتدور ما بينا


ووصف لامى :
( امى دى جبل استحمل كل اللى عدى عليها بجد كل ما افتكر انها ضحت بحياتها علشانى وعلشان اخواتى ورضيت تعيش مع ابويا اللى انا منتسبه ليه مجرد اسم فى البطاقه مش اكتر اسم يتبع اسمى فضلت واستحملت وحربت كتتر علشان تطلع ولادها باحسن الظروف والحمد الله نجحت تحياتى ليكى يا امى وان كنت برضوا مقدرش اضحى زيك بحياتى كده من اجل ولادى واستحمل كل ده )

المهم امى دى زى السكر صاحبه نكته زى وانا وهى لما نجتمع اوعى وشك حرب مدافع وقنابل وانذار بسقوط امطار وسيول ورعد كل البيت بيجرى من وشنا .
ليه
ست الكل كل اللى مسيطر عليها انى اتجوز ويما انى وصلت للخمسه وعشرون ربيعا ابقى عانس افهم فيها ان الظروف اتغيرت أبد
عاوزة تفرح زى ما بتقول وتشوفنى قبل ما تموت سعيده

واليكم بقه العرسان بتوعها وعمايلها معايا
اخر عريس ده بسببوا كان نفسى اكل دراعوا بس ربنا يستر ما هو جى جى هيروح منى فين
امى كالعاده عند واحده جاره لينا وطلبين ايدى وكده
مواصفات العريس زى ما ماما بتحكى ( وسيم - خريج تجارة عنجليزى - فقد امه وابوه فى حادثه - ملوش الا اخت واحده متزوجه - وحتى جدته اللى ربيته ماتت قبل ما تيجى لينا بايام - يعنى مقطوع من شجرة)
المهم ده الحوار اللى دار بينى وبين امى :
ماما : عاوزة اقولك على حاجه بس اوعى تهبى زى الياجور ( نسيه لمركز الباجور -- مش الباجور المولع متفهمنويش غلط )
سيكو (انا ) : ها قولى اكيد عريس تحفه منا عارفه مش هترحمينى لوجه الله
ماما : منا هجوزك يعنى هجوزك عاوزة اخلص منك وزهقت منك وعاوزة اشوف ولادك
سيكو : خلاص خلاص هتقطعى قلبى وتتمسكنى وانا بضعف ها قولى
المهم ماما قعدت تحى عن المواصفات اللى فوق
المهم
ماما : هو ساكن جنبنا وانتى تعرفيه
سيكو : انا معرفش حد فى المنطقه سواء ولاد او بنات
ماما : اه منا عارفه ده كان زميلك فى ابتدائى واعدادى
سيكو : ايه .....مين
ماما : هو الللى بيقول ويعرفك كويس كمان
انا بينى وبينكم قلقت من الموضوع وقلت اكمل استجواب للحاجه واخليها تعترف عامل ايه من ورايا ااحتمال تكون جوزتنى امى وتعملها
سيكو : ماما ماما انتى متاكده انه كان زميلى
ماما : اه
سيكو: طب اسمه ايه
ماما : لولو
سيكو : يع يع ده اسم وحش وانا معرفش حد اسمه كده
ماما: منا بقولك هو يعرفك مش مهم انتى
سيكو : مش فاهمه مش انا اللى هتجوزوا
ماما : اه طبعا
سيكو : خلاص لازم اشوفه واكشف عليه واقعد واعمل زى عادل امام فى عريس من جهه امنيه لما كان بيكشف عليهم
ماما : متخفيش هوريه ليكى بس هو عاوز يخطب بعد العيد ويلبس شبكه
سيكو " لا والله شكلى هتخنق ايه با حاجه هو شاف وقرر وهينفذ كمان والنبى روحى اقولى له يهدى شوبه
ماما : مش احسن من الحقير الى كنت بتحبيه وفلسعك
سيكو: ماما ياريت تاخدى ساتر احس حاسه ان الحاله هتشتشغل
ماما : تشتغل ورينى
سيكو : ماما ماما
ماما : نعم
سيكو : سوال مهم جدا انتى قلتى انه كان زميلى صح ردت صح طب هو انتى متاكده انى مضربتوش وانا صغيرة اصل مفيش طفل فى الحضانه او المدرسه الا ولو كلته علقه او حاجات خفيفه شلوط قفا بوكس حاجات خفيفه
ماما : اه ما انتى كنتى متشرده وكل مره تعملى مصيبه حتى ولاد المدرسين ضربتيهم
سيكو : شوفتى علشان تعرفى انك مخلفة رجاله
ماما : بصى با حبيبتى زى ما قلت هتتجوزى هتتجوزى
سيكو : بسيطه هو مش متيم وبيمشى ورابا من غبر ماعرف والله لو قفشتوا لاعورة واعض دراعه بس انتى متتدخليش اوك

دى حوارات ماما الشبه يوميه عاوزة تجوزنى وخلاص
دى وجهه نظرها عريس يجى ويتقدم ويشيل مدام كويس

اما وجهه نظرى انا نفسى طبعا اتجوز بس يطريقه تانيه يعنى احب اتحب كده يعنى حد افهمه يفهمنى اقدر اناقشه فى موضوع مثقف ابنى معاه بندا سواء وننتهى برضوا سواء وده حلمى وهحاول باذن الله احققه

تنويه هام كتب هذا البوست بعد الرجوع الى خطوات المدون المعلق اللى انا سعيده بتعليقاته وبرضوا متحفظه عليها
يلا باى

حبيبى عمو عبقرينو

انا عارفه انك تعبت فى وسطينا وفعلا الخلافات كترت فى الفترة الاخيرة وهو طلب هدنه وفترة كل واحد يستريح من التانى .......كل ده كويس وكل واحد حر ومحدش يقدر يضغط على التانى ......
المهم يا عمو انا بكتب لحضرتك المره دى انا عارفه انك نفسك انى احقق الطلب بالغاء المدونه اللى تم التنازل عنه من جهته ونزل لمرحله حدف كل ما يخصه عليها .....
عمو حبيبى صعب جدا الطلب ده المدونه بالنسبه ليا مرايا بشوف فيها اولا وحاجه بفضفض فيها عن كل حاجه من غير تحفظ او حذف وان كنت بفكر فى الموضوع جديا فيه لعدم حدوث خسارة او مشاكل تتفاقم او ان حد يتصور انى مجرد ده عند منى مش اكتر ومهما اقول مش هيستوعب مدى اهميتها عندى انا بعت الباص ورد ليكوا انتوا حرين فيها بس المدونه بالنسبه ليا مش مجرد لعبه بلعب فيها لا دى حاجه بفرغ طاقه فيها .
لكن متجيش بكل بساطه وتقولوا احذفى منها اللى يخصه صعب امسك مقص واقصص فيها لسبب بسيط جدا المدونه دى كل كلمه وكل حرف فيها يمثل ذكرى او حدث حتى وقت كتابتها .
المدونه بالنسبه ليا طفل كبر على ايدى ادخل واكتب زى ما ام بتاكل طفل تلبسوا هدوم جديده تلعب معاه كل ده صعب يجد

بس اوعدك هحاول بس فرصه افكر لانى لو نفذت كده على طول خايفه ارضيكوا واكره نفسى بجد لانى مش هقدر اكرهكم خايفه بجد على العلاقه ما بينا وبنفس الوقت انا متمسكه بحقى فى الكتابه فى موضوع انا اختاره مدام مش بيعدى الحدود ومش بيجرح حد مجرد يوميات مش اكتر .

حبيبى عمو ادينى فرصه افكر انت غالى جدا عندى لكن انا كمان فؤجت ان المدونه كبيره مواضعها كتير وكلها هتحتاج تتظبط لانها بكل بساطه زى ما المدون المعلق عندى بدور فى فلك واحد .

حبيبى عمو عبقرينو ....كل سنه وانت طيب وبالف خير ......بجد بحبك

حبيبى عمو عبقرينو كل سنه وانت طيب بجد وحشتنى جدا وانا اسفه من اللى حصل امبارح كان نفسى احتفل بعيد ميلادك بس الله يجازبه صديقى

المهم عمو عبقرينو ده حبيبى بموت فيه الوحيد اللى بترمى فى حضنه واحكى واشكى همومه وهو فعلا عبقرينوا الوحيد اللى بهدا لما بكلموا

بجد انا بحبك جدا بحس انى ابويا واخوبا وصديقى

ووصف لعمو عبقرينوا ( هو زى العسل ده شربات وقلبه ابيض وحقانى جدا ) وده صورته

بدون تعليق

المهم كلمه اخيره لكل البشر محدش بيفصل حد كل واحد فيه عيوب وفيه مميزات ومش معقوله كل حد اعرفه يبقا عاوز مقص يفصل فيا زى ما هو عاوز صعب انا بنى ادمه مش قماش والمقص بتاعهم ده بقطع فيا

وتنويه اخير انا كده ومش هتغير اللى عجبوا عجبوا واللى مش عجبوا مع السلامه وعلى راى دكتور السيكو يتاعى مش طالبه الحياه عصبيه ومحدش يستاهل

جرح

للدرجه دى قسوة قلبك للدرجه دى ايه فى ايه .................عمرك محصلت ليك تخرج عن نفسك وتنهار

للدرجه دى قسوتك بجد اتصدمت فيك قسوة تخوف انى اقرب منك تانى بكره قسوة قلوب البشر

للدرجه دى مفيش اى حاجه عملتها تغفر ليا ذله للدرجه دى قسوتك

صدقنى مصدومه فيك وخايفه حتى اكلمك او اقرب منك تانى وبامانه مش هقدر انسى ده

صعب خفت منك قسوتك جامده وانا بكره القلوب اللى ذى الصخر ويمكن الصخر ارق شويه

يفكر كتير لوكنت مكانك كنت هعمل ذيك يجى الرد بالنفى عشرتنا مكنتش هتهون عليا بس خلاص انت هونتها انا بكره ان حد يقسى عليا او يجرحنى \

ليك عندى اعتذار تستحقه وتقديرا لعشرتنا

بس قبل كل شى اسال نفسك انت كمان غلط ولا فاكر نفسك برئ

عامه مش مهم خلاص قلت ليك مدام مفيش حاجه ليا تغفر يبقى خلاص مفيش فايده

وبفكرك لازم تعلم نفسك تغفر انت كمان مش ملاك والغفران مش ضعف

صديقى او يا من كنت صديقى بكرر اعتذارى واتمنى ليك كل خير

كراكيب

عاوز اكتب ومش عارفه اكتب ايه من امبارح وانا جوايا صوت موسيقى اغنيتبن بس او مقطعين واحده قديمه لام كلثوم بالرغم انى بقالى كتير قوى مسمعتش الاغنيه دى بالذات وهى فات الميعاد وقعدت ايال نفسى ميعاد ايه اللى فات ايه وليه كوبليه بيتردد فيا بس وصوتها وهى بتقول وكفايه بقى تعذيب وشقا ودموع فى فراق ودموع فى لقاء تعتب عليا ليه انا باديه فات المبعاد فات وا.

الاغنيه التانبه مقطع بعيد قوى عنها وان كان الصوتين ممتزجين جوايا وهى اغنيه تامروهو بيردد وبقول حاسس بخوف بيبعد قلبلى عنك معرفش ليه مبقتش حاسس حاجه منك ...............يا ترى ايه الى انكسر قوى كده جوايا من امبارح للنهارده احساس مختلف مش مجرد 12 ساعه فرق
لا فى حاجه اتغيرت جوايا حاجه غريبه بجد حاسه بفقد مؤقت للذاكره مفيش غير مكالمه عمو ليا يدوبك بتردنى للواقع وبعديها ارجع تانى للفصل كميه دموع غريبه والاغرب مش عارفه سببها مش مجرد خلاف لا فى حاجه بركان انفجر احساسى بالتعب كانى روحى خرجت وهيامه بره جسدى ومش عارفه ترجع حاسه بيها لكن مش عارف ارجعها او مش عاوزة .
نمت بالعافيه امبارح حاولت انام كعادتى بدون صوت لكن وصفت عمو ليا هى اللى خلتنى انام مجرد حوار بيدور بين اتنين صحيح انا سامعه كلام بس لكن مش عارفه اميزوه خالص ولا حتى بيتكلموا عن ايه مجرد همهمات
جت امى لما كلمتنى وانا كنت نايمه انا مش نايمه انا كنت حاسه بكل اللى حواليا ورديت وقلت اكمل مفيش مش قادرة قمت ابكى تانى ومش عارفه ليه بحرقه قوى كده ولا كان عزيز ليا مات مش من طبعى البكاء والشى الوحيد اللى بكره محبش اكون ضعيفه مهما حصل
لغايه دلوقتلى مش قادره اسيطر على نفسى دموع دموع ولا كان منبع انفجر ومش عارفه ليه
كنت تعبانه جدا وعاوزة انام ومش عارفه قلت اقوم اكتب شويه لكن قدرتى خانتنى احساسى بالضعف مقدرتش قلت افتح التليفزيون تانى فتحتوا وقعد اسمع حتى مش قادرة اشوف الشاشه من شده الدموع قلت اقفل عنبا واحاول يمكن تقف وفعلا شويه ونمت ودخلت ماما وحاسه بيها بتقفل التلفزيون وكنت لرجعت لمرحله السبات مش قادرة اتكلم خايفه افوق ومعرفش ارجع تانى وفعلا نمت ياعتبن وقمت بعديها متحينه شويه صحيح معملتش حاجه غير انى تفحصت مونات وشربت كميه شاى كتير
وماما سالتنى مش هتنضفى الشقه وردت بسخريه انى ممكن اغير ليها ملامحها من اللون الموف للا سود الست قالت على ايه بلاش كويس لاكتشفت انى لسه بضحك وامى لما بتصدق تلاقينى وترمى عليه كل حمولها
ما نابنى الا طلعت منى مصحله الاول 150 جنيه وشويه نديت اخوبا على اساس ياثر عليا اديها الفلوس مع انى كنت مستسلمه وقات حاضر وشويه بقوا اتنين طبعا شوتها هى وابنها وقلت الفلوش كلها جوه خديها وحلى عنى الصبح كانوا 10 دلوقتى 200 ارحمنى شوبه قالت سلف وامى ماشبه معايا بمبدا السلف تلف والرد خسارة .
المهم شويه ويرضوا ساكته بقوا 300 قلت طب اعمل ايه اولع فيا ليها فى الشقه بجد ةلا ايه يكت وقمت لحسن اعمل مصيبه بجد
ومن نوادرها وهى بتحكى عن العريسان بتوعها واحد طالباتوا انى اتحجب والبس اسدال قلت بسيطه لما قومى بقه من وشى لارد رد سافل وانا عارفه نفسى صحيح ان حاسه انى روحى بره جسمى بس احتمال اردها علشان انفجر تانى


كلمه لعمو حبيبى بجد انت ساعدتنى امبارح جدا صحيح الحاله لسه بس قدرت نوعا ما افوق شويه شكرا

صحيح صوت سومه وهى بتقول ستاير النسيان نزلت بقالها زمان تفيد بايه يا ندم وتعمل ايه يا عتاب
احساس بفقد ذاكره مؤقت

بركان

مخنوقه بجد ........................وحزينه حاسه انى بموت ببط ء احسا س صعب حالتى النهارده صعب قوى بجد حاسه بانهيار جوايا احساس غريب حتى مش عارفه اانا بكتب ايه حاولت كتير اسيطر على انفعالى واعصابى لكن واضح انه مفيش امل خلاص تعبت جوايا تعب نفسى اصرخ واقوا اةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةارحمونى شويه ارحمونى .................
حتى اقرب انسان ليا ضيعنى وضيعتوا مش مجرد خلاف او صوت علاى وانى غلطت مقدرتش امسك اعصابى
بجد انا حاسه بالاهانه وحاسه انى انجرجت مش قادره حتى افسر او اتكلم بس حاسه بستاره حديديه نزلت جوايا حاسه بكده ..................... كان فيها ايه لو اشترانى وحافظ عليا وعلى منظرى ولا كانى كلب معامله زباله محستش باى حاجه محتسش الا بانى بصرخ بصرخ ليه كتير بخاف على اللى حواليا وهما مش حاسين عمى واخوات امى كلهم كلهم كله بيقطع بيقطع كله مش حاسس كانى جيل مش بحس خلاص ادينى انهرت انهرت مش قادرة حتى العلاج النفسى مش هيجيب نتيجه انا تعبانه تعبانه تعبانه ......................................................
صديقى او يا من كنت صديقى باعتذر عما صدر منى لكن
اشعر بداخلى ببركان كانك لم تراعى مشاعرى لم تراعى وجودى كانى جماد ليس له قلب
الجبل وبركانه

صعيدى .....رايح ......جاى.

ازيكم هتسالونى مين المزة دى هقول ليكم دى صديقتى فى الشغل صاحبه صديقى صعيدى كندى ونبذه صغيره عنها هى جميله ورشيقه وملفوفة القوام زى وزتى بالظبط وقبل ما اتكلم عنها هى وصديقى احب اكمل ليكوا نوادرة

صديقى ده كان عايش فى كندا وكان متجوز ومرة وانا قاعده معاه حكى ليا النادرة دى يوم ولادة ابنه قررت حماته وما ادارك ما هى حماته بالضبط مارى منيب فى الحموات الفاتنات وقررت ان الولد يتسمى على مزاجها هى بس هو اعترض ودمه غلى وقال ده ابنى انا اللى اختار الاسم كلمه من هنا وكلمه من هنا راحوا قالوا موافقين بس بشرط ها .....قال انا صعيدى ومحدش يشرط عليا ......قالوا تسميه باسم نبى راح قال ماشى ومهودهم ومن عنيا الاتنين واللى يعرف صديقى كويس يعرف انه كان ناوى على خازوق كالعاده ها يا سيدى عملت ايه قالى سهرت طول الليل افكر اسميه ايه ايه ايه خلاص لاقيتوا راح المستشفى للمدام وقالها هنسميه على اسم نبى ايه هو قالها " لوط " الست غالبنه متعرفش يعنى ايه عاشت طول عمرها فى كندا ومسلمه اسم مش اكتر وفرحت بالاسم قالها خلاص مبسوطه اه جدا راحت متصله بامها وقالت لها على الاسم الست اتحرق دمها وراحت متصله بيه وقالتلوا واحيات امكم لوط\ .........ههههههههههههههه وفى الاخر سماه زى ما هو عايز واحب اوضح انه كان بيهزر معاها بس على خفيف كده بطريقة الصعايده .......

اما النادره التانيه له فحصلت فى مصر هو صحيح مكملش فى الجوازه دى وطلقها ورجع مصر ومشفش ابنه من ست سنين وهو لسه طفل المهم

رجع مصر واجتمعوا الصعايده كلهم خير فى ايه عاوزين الواد ماشى ما احنا رافعين قضيه مخبرش احنا عاوزينوا ازاى طيب صديقى سال اهلوا قالوا نختطف جوزاها قال ماشى

كل ده كويس وعادى صعيده وعاوزين الولد

لكن يا حضرات المدونين اليكم الاتى "

الولد ميعرفوش شالكلوا مش مهم هما اساسا مش هيخطفوه هو هما هيخطفوا الراجل طيب

ايه رايكم هما ميعرفوش الراجل ولا عمرهم شافواه ولا حتى صديقى عادى جدا هما قالوا هيجبوا هيجبوا ازاى مخبرش

طيب هما كمان ميعرفوش هما ساكنين فين ولا رقم تليفون ليهم ولا اى حاجه

طب سؤال غبى جيه على دماغى بدل ما يخطفوا الراجل ما يخطفوا ابنهم فقالوا لع لع هما خدوا منا راجل هناخد منهم راجل خلى ليهم الولد ده تار يا بوى ........

وهى دى الاسئله اللى سالتها لصديقى وكنت بسببوا هروح العباسيه

لكن دول صعايده ويعملوها انا قلت ممكن يخطفوا صديقى ويعذبوه لغايه ما يعترف اه مش هو ابو الواد صح ولا لا .....................................مخبرش

نداء الى كل سائح كندى احذر الصعايده احتمال يخطفوك هههههههههههههههههههههههههههههههههه

ده صديقى الكندى اما علاقتوا بصدقتى فهى علاقه عجب العجاب هما بيحبوا بعض جدا لكن اهلوا ماجلين لغايه ما يرجعوا الولد ازاى معرفش بس هيرجع هيرجع احنا هنهزر دول صعايده وهو بيغير عليها جدا وكل اللى يقرب منها يقوم راقعوا خازوق ارض جوا لغايه ما بقت عامله زى القطه اللى متكهربا ههههههههههههههه وليه حركات معاها عجب عجب لدرجه ان الست بقه خرسه بتشاور بس حتى لا تاخذ خازوق ده صديقى اللى محيرنى

نداء هام الى كل فتاه قبل ما توقعى فى غرام صعيدى احترسى ممنوع الفهم او التوضيح

والسلام ختام

صعايده ................................ولكن؟؟؟؟؟؟؟؟؟؟؟؟؟؟؟؟؟؟؟

اعزائى المدونين

طبعا كلنا قابلنا صعايده..................انشاله صعيدى واحد بس زى اللى انا شوفته مفيش الصعايده دول والله جنونى وقبل ما احكى عن الشخصبه اللى حيرتنى احب احكى ليكوا بعض نوادر الصعايده اللى انا شوفتها وسمعتها ودى والله حكايات حقيقه .................يعنى حدت بالفعل

خير الله ما اجعلوا خير مرة وانا رايحه الشغل ومستعجله نزلت من المترو المتجه للمرج وغيرت وخدت اتجاه الجيزة علشان اروح الدقى حلو كده ...............عادى خالص كل يوم بعمل كده لكن الجديد لما دخلت عربيه المترو لقيت اتنين صعايده وعرفتهم من اللهجه ومن الملامح واحد مجند لا حول الله واضح انه اول مرة ينزل القاهرة والتانى عامل فيها ناصح جدا المهم لقيته بيقوله انت نازل فين فرد المجند وقاله انا نازل التحرير قالوا طيب احنا فى أنور السادات لسه التحرير مجتش بينى وبينكم كنت هموت من الضحك وعاوزة اقول له ان انور السادات هى التحرير ولكن خفت على نفسى ليكون فاكر انى بضحك عليه المهم الحمد الله واحد من الركاب جت له الشجاعه وفهمه وقالوا ان الاتنين واحد ولقيت الناصح بيرد ويقول للمجند خلاص انزل المحطه الجايه وخدها مشى ؟؟؟؟؟؟؟؟؟؟؟؟؟؟؟؟؟؟؟؟ بينى وبينكم متكلمتش بس سؤال لولبى على رأى وزتى هل هياخده من فوق الارض ولا من تحت ويعد الفلنكااااااااااااااااااااات ................... حد يقولى ؟؟؟؟؟؟؟؟

اما النادرة التانيه فكاالتالى

"ودى حصلت فى مدينة اسيوط واحد صاحبنا راجع بلدهم القاهرة بعد ما خلص جامعه والدنيا زحمه خاااااااالص وبكل براءه حط كتبوا من الشباك يحجز مكان عادى كلنا بعمل كده لكن المسكين دخل لاقى واحد صعيدى اصلى واخد الكتب فسالوا خير دى كتبى فرد قالوا مخبرش انا سرقوا منى قفص الفراخ فرد وقال وده مالوا ومال الكتب رد عليه اخينا مخبرش اخدها بدلها يا ابا دى كتب مش يتبيض مخبرش طب انت بتقرا لا طب هتعمل بيها ايه دى كتب الجامعه مخبرش الواد اخر ما زهق قالوا خلاص خدهم يمكن يبيضوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اما النادره دى فسمعتها من واحد صاحبى ضابط مره وهما راجعين من ماموريه والقطر ركبينوا وده قطر حربى ممنوع المدنين يدخلوا وحراسه وامن دوله وعساكر كتير قوم ايه فى محطة اسيوط ينط واحد من الشباك ويسال الظابط القطر ده رايح مصر فصاحبى رد قالوا اه القطر ده رايح لكن العربيه دى مش طالعه قام اخينا ناطط للعربيه التانيه وهكذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صاحب العقل ايه...... يميز

ومره تانيه صاحبى ده راجع فى عز البرد وقفوا واحد بلديتنا وسالوا اروح طنطا ازاى فرد وقالوا مينفعش من هنا انت قدام الشيراتون والمحطه بعيد اركب وروح المحطه فرد بلدينا مخبرش هما قالولى ان العربيه بتعدى من هنا يعم يرضيك يهديك مخبرش يا ابا انا عاوز اروح مش طالباك مخبرش؟؟؟؟؟؟؟؟؟؟؟ طيب بس يا سيدى ها اركب الاتوبيس ده وهيوديك طنطا ( أتوبيس الرحاب ) ولو لقتها اتغيرت اصلهم مجددنها خلاص خلاص وركب بلدينا وسمع الكلام بس ياترى فهم ان دى الرحاب ولا اعتبرها طنطا وقال مخبرش.....................دى نوادر الصعايده معايا يا حضرات ..............

.ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الشخصبه اللى محيرانى فوصفها زى الصورة + وهو دكتور فى الجامعه .....حاصل على الجنسيه الكنديه .... صعيدى من اسيوط يعنى صعيدى كندى وده نادر لما حد يحصل على الجنسبتين حضرتوا زملنا فى الشغل وهو شبه صورة تويتى ومرتبط برضوا بزملتنا فى الشغل زميلى ده صعيدى بحت اشك انه راح كنده لكن الاكسنت بتاعتوا بتاكد انه عاش هناك وخد الجنسيه هو طيب ولطيف وتقف معاه تتسحر بذوقه جدا صحيح عليه كرافتات سمبكوسات على قمصان ملونه فيها 130 لون تحولك وانت واقف بس ابدا هتتسحر هتتسحر معرفش ازاى ............المهم هو بيزعل جدا لما اقول على الصعايده انهم اذكياء جدا ويتنرفز ويتنطط معرفش ازاى ويقوم ساينى وخارج الجميل فى زميلى انه له نوادر اغرب من نوادر الصعايده فوق وده هكتبها المقاله القادمه

لا تقلقوا انتظرونىىىىىىىىىىىىىىىىىىىىىىىىىىىى