بقالى فترة مخرجتش وكل مره خطيبى يحاول يودينى فيلم الخروجه تقلب بغم وندفع فلوس الفيلم ونتخانق ومندخلش قلت عادى يمكن انا نحس .....................بس اكتشفت حاجة تانيه خالص بعد امتحانى قالى تعالى نخرج نروح نركب مركب فى النيل قولت ماشى انا بعشق النيل والجو النهارده اتحسن لكن فجاه اتغير المسار ولقيت نفسى قدام سينما كوزموس ودخلنا فيلم ابراهيم الابيض المهم الدنيا كانت لحمة مش زحمة ومفيش اماكن خالص غير اول صف
ملحوظة : لما تيجى تدخل سينما اوعى تقعد فى اول صف
المهم قعدنا واول ما الاعلانات اشتغلت حسيت انى فى قلب الحدث وشويه شويه الناس هتخرج من الشاشه تقعد على حجرى قلت لخطيبى اتصرف حاول تنقلنا وفعلا قد كان اتنقلنا صف كويس مش بطال الفلوس تعمل كل حاجه المهم بدا الفيلم وياريتوا ما بدا الفيلم كله ضرب ودم وكل اللى فى السينما اول مايجى مشهد تقطيع تلاقيهم غموا عيونهم ونزلوا تحت الكرسى لدرجه ان الصف اللى قدامى اختفى كله .....اه والله كلهم خافوا والبنات من كتر الدم تلاقيهم شهقوا وغموا عيونهم المهم معظم الفيلم مطاوى سنج سكاكين كلوا الاسلحة البيضاء اللى نفسك فيه هتلاقيه على فكره الفيلم ده هايل لطلبه الطب وهيبقى عنوانه العلمى ازاى تشرح بنى ادم دون قتل ايه هى خلاص مصر كلها قطاعين طرق وعشوائيات ومسجلين خطر مفيش ناس تانيه مهضوم حقها واكترعلماء ذره من انبغ علماء العالم اتقتلوا محدش اهتم بيهم خلاص مفيش اهم من المسجلين والبانجو والحشيش يعنى خلاص الحكومه مش هتقدر على كل ده خلاص يعنى الناس فى العشوائيات هما كده هو ده حالهم هى دى مصر مفيش كوم ابحاث علميه وعلماء تم اهمالهم واغتيالهم مباره خلاص على اظهار المناطق العشوائيه يا اما المترفين مفيش حد فى الوسط انطحنناس كافحت وملقتش ناس اتعلمت واتقتلت خلاص مفيش وسط كله يا اما رقصات ياما مسجلين والفيلم كله تقطيع وضرب كله ضرب ضرب مفيش شتيمه والتصوير كان وحش هو والصوت حسيت انه بجرى فى مارثوان ياريت نخف شويه المهم السينما كله الحمد الله نزلت تحت الكراسى من كتر الدم انا نفسى خفت الهدوم تتوسخ وانا كنت لبسه ابيض وايه القصه الرومانسيه اللى تجيب جلطه دى
ملحوظه : الوزه بتاعتى كان معشم نفسه يخش يحب ويمسك ايد ويعيش اللحظه لكن ههههههه للاسف الفيلم خدوا على خوانه واظن انوا قطع الخلف ونسى الحب ومسك الايد وسنينه لييييييييييييييه سؤال وجيه ؟؟؟؟لان بعد تتر الفيلم بثوانى ساب ايدى ولقيته نزل تحت الكرسى وفضل مستخبى وانا اجبلو درة وبوب كورن واغريه يخرخ وهو ابدا مستخبى تحت الكرسى ومطلعش لغايه ما الفيلم خلص وطلع كمان موزبهل واظن نسى ازاى يمسك الايد واعتقد دلوقتى هيرجع فى قرار الجواز اصلوا وزه مرهفه متربيه تربيه مترفه عمره ما شاف دم فما بالكم بالكميه اللى فى الفيلم ده لما صباعوا يتجرح تلاقيه قعد يعيط بس الحمد الله جبت له عيش مبلول وخرجتوا من تحت الكرسى الحمد الله
نصيحه :اللى عاوز يخش الفيلم ياخد دواء ضغط ومهدئ وياريت يخش بهدوم غامقة علشان الدم وياريت صناع الفيلم يغيروا الاسم من ابراهيم الابيض لابراهيم الاحمر
كان معكم من تحت كراسى سينما كوزموس سيكو
وان لله وان اليه راجعون
