الناس غريبة والحيوانات اغرب شكلهم مستحماش من 100 سنة
وقلت يابت طنشى خالص
واوا ما دخلت لقيت الوز بيبلبط فى الميه طبعا وزتى كان هيموت وينط معاهم بس خاف منى
المهم
شويه وقعدنا نلف وانا تعبانة عندى برد ولاحظت الاتى
الجنينة أتنين اتنين مش مهم
الاهم كل واحد واخد واحده وقعدين وراء شجرة بيعملوا ايه الله اعلم اسال الوزة يقولى بيتكلموا
بيستهبلنى
شويه وروحنا عند القرود وقعد يقولى اخواتك اقوله لا دول اخواتك انت يقولى لا انا وزه
شوية بقى دخلنا واتمشنا وقعدنا ناكل والناس كلها فاكرنا متجوزين ولسه فى شهر العسل
فى بالى قلت يانهار ابيض اخرتى اتفسح مع الحيوانات بس بصراحه كان اليوم لطيف
بعد شوية روحنا بنتمشى وندور على بيت الزواحف
واحنا فى سكتنا لقينا اختراع اسمه السينما وقعدت اتحايل علية نخش الرجل يقولى ده للاطفال بس
قلت له عادى منا طفلة وصممت اخش وجوه قلت هتفرج على كرتون
هههههههههههههههههههههههههههههههههههههههههههه
لكن دخلت لقيت فيلم روسى ومدينا نظارة البلاستك دى ويقوللنا بعد تالت
المهم
وزتى طلعت من جوة وجرى ورايا فى الجنينة وانا بموت من الضحك عليه وعلى مقلب السينما
ودخلنا بيت الزواحف وشوفنا التعابين
وبعد شوية واحنا خارجين لقينا سلحف وسلحفة كانوا كويسين واذ فجأه لقيت السلحف اتهبل وطلبت معاه
والسلحفة حاسة انها بتقوله هى حبكت
والسلحف يقول الليلة يا عمده الليلة
وقلت اسال الوزه
وزتى : ايه ده
يرد يقول بيتخانقوا
اه عبيطه انا وقعدت اتفرج بامانه عالم الحيوان بقة
وشويه خرجنا وانا ميته من الضحك
ووزتى طلب منى نروح بيت الاسد وقلت له بيت السباع اهوه قالى هو السبع يعنى اسد
قلت له ياخرابى ايوة يا وزتى
لقيتوا واقف جنب الاسد وبيقول انا اسد واذ فجاه
الاسد قام وزائر ولقيت الوزة جريت بعيد
ههههههههههههههههه
وقلت له اسد ايه يا وزه بلدى انت
وفجاه الاسد قام وطلبت معاه هو كمان
قلت لوزتى لا بقى الجنينه دى مالها مفيش بوليس اداب يلم الحيوانات دى والبشر
ووزتى قعد يضحك وقالى يلا نروح
ده يوم متفيرس
الاول الوز وبعد كده القرود والاسد والسلحفه
وكلوا كوم والبنات والولاد كوم تانى
وزتى مرسى على اليوم وعلى غزل البنات
واوعى تروح الجنينة لوحد لتتفهم غلط
واحذروا يا جماعه اليومين دول موسم التزواج للحيوانات هناك وباين للبشر كماه
وحد والنبى يكلم اى مسئول يحمى الحيوانات دى بلوكس
ويحمى البشر بديتوا
امانه ياا شباب
مش الازهر بارك مش انظف على الاقل مفيش حيوانا وبشر مستهبلين
اما ربيتك يا وزتى
وزتى انت
وززززززززززززززززة مش أســـــــــــــــــــــــــــــــــــــد
أوعى تنـــــــــــــســــــــــــــــــــــــــــــــــى
هناك 9 تعليقات:
السلام عليكم كده ف الاول
بعدين : اسف لو كنت ضايقتك بكلمه ولا موقف .. وبعترف انى دفنت المدونه دى فى بير غويط من ذكرياتى ..بس طفت مره واحده بعد انقطاع كتير نظرا ص لإرتعاش العلاقات بينا .. مش فاكر تحديدا ص ليه بس تقريبا اختلاف رأى وانا طولت لسانى واتنرفزت .. ع العموم أسف تانى مع انها مش من عوايدى ..بس لما حسيت انك تعبانه بفقد صاحبتك ..بدات اتابع من بعيد .. لحد النهارده .. اه 17 ..معاد البوست ..مش عارف ليه نطيتى ف دماغى مره واحده .قلت اما اشوف اخبار سيكو ايه .. والحمد لله لقيت نفس الروح الجميله أوى اوى
اللى بتضحكنى بغباء
وسبحان الله : احمد مودزيلا . طلع سلكه زى حالاتى .. رفيع ..ياااه يا عمنا
انا كنت متخيلك حاجه ضخمه بقه وجودزيلا .. واتخضيت منك .. ورسمت دور احترام طبعا ..بهزر يا صاحبى
ع العموم بجد انت معاك جوهره
اختى ده خلى بالك منها اوى وحطها ف عنيك .. انا طبعا ً ميراج اللى كنت فاقس الحوار م الاول .. بالذات تصرفك الحاسم انها ما تقولكشى وزه وكده
بس ومالو يا اخى حد يطول حد جميل ونضيف بالشكل ده يدلعه كده ..
يا بختك يا عم .. ربنا يباركلكوا
***
طبعا ً انا مبسوط قوى قوى انى رجعت اول كومنت تانى وماخدتش وقت كتير علشان أرزع اللنك ف المفضله .. واقرا ال3 بوستات اللى فاتونى .. اكركع بصوت عالى
بلوتوس ... هههههههههه
كده يا أبوحميد .. فرحت سيكو فينا آل الرجال .. بس سيبك انت .. لازم تتعب علشان توصل للولؤلؤه جوا المحاره
بيت السباع ... هههههههه
من موقعى هنا
بنادى بتمسك بلقب وزه .. مش طالبه يعم لعب مع الأسود .. طلعت راجل تقيل يا مان
وزه : اقتراحات سيادتكم ف محلها .. الصابون والتطهير لازم .. انا كنت معدى من جنب الحديقه اول امبارح .. لو كنت اعرف حوار موسم التزواج الحيوانى- البشرى ده أكيد كنت هقطع تذكره رايح جاى .. اهو ببلاش
ههههههههههه
انى منشكح جوى . على غير العاده
بس بجد مبسوطلكم قوى قوى لان ما كنشى ينفع ما تبقوش لبعض
ربنا يباركلكوا ويزقكوا الذريه الصالحه ويهدوا سيركم
وبقولك ايه يا وزه
ادبحلها القطه .. واتقل شويه بلاش الدلقه دى .. سيكو دى عفريته .. مايغركشى الطيبه بتاعتها
سلامى كتير لعمو -
وبهدى اغنيه مش عارف مين كده
وحشتونى .. وحشتونى
يلا سلام علشان انا اتخنقت من نفسى
اوعى تكونى بتزعلى .. مافيش بين الاخوات زعل
la bgd ms5ara awy :D
ana asln mr7tesh gnent 7ywanat b2aly aktar mn 5 aw 6 sneen, we knt asln de mra 3shan 5ter 3ndna mo7dra hnak -awyan mo7dra- we knt mshftsh elzoo mn ayam eltfola, bas knt zoo m7trma aslha msh bt3t elgiza, la2 bt3tna e7na
bas post gamed, walwny b3tn 3la wztk, 7ad y2oul lelazhar no, we y5dk 3alzoo ???
ynf3 da
m3lesh b2a\, t3eshy we tetfasa7y :D
اول زياره ليا على هذه المدونه الجميله الرائعه
بخصوص البوست جميل
ياريت نكون على تواصل
او ك
ROONEY
لولولولولوى
الف نهار ابيض اخيرا بوست جديد
بجد وحشتيناوحشنا كلامك الجميل
زى كل مره مختلفه وجميله جدا
ويارب من كل قلبى تبقى الوزه اسد بصحيح ونسمع اخبار حلوه قريب
ربنا يوفقكم
تحياتى وحبى يا سيكووو
الحقيقة لأهتمامي بالحيوانات عموما و حبي لها و اهتمامي باقتناء بعضها .. و لأني باحزن جدا لأحوالها في الجنينة اللي بحبها
و اللي مات فيها السنتين اللي فاتوا 720 حيوان مرة واحدة بسبب سوء الاحوال المعيشية و تمت اقالة مدير الحديقة بعد ما مات كل ده و اندبح جملين مغربي علي يد جزار جمال اثناء الليل ... و كلام كتير يطول شرحه
حبيت بس اقول لك انه المجتمعات اللي بتحترم الحيوانات بتحترم البني ادمين كمان
مثلا مثلا في ايطاليا كان في طريق اسفلتي يمر بين اراضي زراعيه فكانت الضفادع بتعدي علي الاصفلت فتدوسها السيارات و تموت ... فتحركت الحكومه و وضعت انابيب .. زي مواسير المياه تحت الاسفلت لكي تمر منها الضفادع
طبعا بالنسبه لنا حاجة تفقع بالذات لسكان المناطق الشعبيه زي شبرا اللي انا منهم .. خايفين علي الضفادع لا تموت عالطريق و هي بتعدي
و كمان في بلاد اخري قبل أن تقتني حيوان منزلي زي الكلب او القطة بيشوفوا ان كان عندك مساحة كافية له و لا لأ ... دخلك يكفي لكي تصرف عليه ام لا
بقي ان اقول لك انه الحديقة دي اول ما انشئت كان لها شنة و رنة
-----------
الازهر بارك جميلة طبعا
بس حديقة الحيوان فعلا حالتها صعبة و في كل مرة اذهب الي هناك باحزن اكتر
سيكووووووو
ازيك اخبارك ايه وعامله ايه مع الوزة
انتي ليه بقيتي تغيبي كدا
ولا بتحبي بقه وبتاع مشغوووول ياعم
ربنا يوفقك ياقمر علي فكره انا بحب مدونتك اوي جامده بجد وانتي عسل
سلاموووووووووز
وزة
enty 3asal bgd 3asola moot
حمدلله على سلامتك بعد طول الغيبه
ويارب ديما اجازات سعيده تنزل في بوستات
وحشتينا ياسيكوووووووووو
يارب تكونى بخير مستنين الجديد
إرسال تعليق