الجمعة، 25 يناير 2008

سياسه الكعب العالى...................تبع الباب العالى



السلام عليكم الاول


ثانيا نخش فى الموضوع


انا اليوم ليس اسمى سيكو لالالالالالالالالالالالالالالااتغير بقيت عروسه

ايوى حصل


جالى عريس واعتقد انه ندم على الخطوه دى

لكن ده مش موضوعنا


احكى ليكوا بالتفصيل لكن ركزوا ارجوكم الرجاله قبل الحريم

علشان متقعوش فى واحده تغسلك وتنشرك زى ما انا عملت


امبارح خير الله ما اجعلوا خير وانا خارجه لقيت مامتى حبيتى ربنا يخليها ليا وترحمنى من اللى بتعملوا فيا

وانا نازله لقيتها داخله بتقول.................

ماما : بكره جاى عريس

سيكو : وده من السوبر ماركت ولا ايه

ماما : تقبليه الساعه كام

سيكو : هى عافيه

ماما : ااه انا اتخنقت منك ومش هتمشى غير لما تحددى معاد


مواصفات الباشا ايه

محاسب ؛ ذات الثلاثون ربيعا " مفيش اى معلومه تانيه عنده عربيه وشقه وعاوز يتجوز فى شهرين
اصله نازل يشترى بقره


طيب بكره الساعه 8


نزلت ورحت قبلت صديقى وقعدنا نحكى واستشيروه وكده ورجعت

لقيت اخويا قاعد بيقول والنبى والنبى وافقى انا نفسى اتجوزارجووووووووووووكى


خلاص يا واد هتعيط هتجوز


المهم تانى يوم صحيت لقيت امى عامله حظر تجوال + حمله نظافه

واللى عليها روحى الكوافير

وهاتى البتى فور

نزلت ورحت الكوافير كله تمام

وجبت بتى فور وانا داخله قلت لماما لو وحش هاخد حق البتى فور منه منستهبلش مش ناقصين مناظر احنا


*******************

المشهد الاخير يا شباب وده اهم مشهد

ماما واخوتى ومامته وبنت خالته جوه

دخلت سلمت وكله تمام

انا كنت مؤدبه وقطه وديعه خااااااااااااااااااالص وسكته زى الاخت دى
واذ فجاااااااااااااااااااااااااااااااااه
سالنى وقال
العريس : كتابك ده ( عماره يعقوبيان )
سيكو : ايوة ( فى سرى ليكون هياخدوا ولا حاجه ده بعشرين جنيه )
العريس : انتى بتحبى القراءه
سيكو : اه ايه انت مش بيتحبها
العريس : لا يعنى
انا فى سرى اااااااااااااااااااااااااااه جاهل
انا : بتقرا ايه سياسه اقتصاد دين بتفضل ايه
مممممممممممممممممممممممممممممم
العريس : انتى خريجه ايه
سيكو: اداب
العريس : قسم ايه
سيكو : حضاره اوربيه
العريس : اشمعنى
سيكو : مش فاهمه احنا هنخش قافيه ولا ايه
العريس : لالالالا بس اشمعنى ده
انا : لانه شامل حضاره مصر واوربا والاندلس والحضاره الاسلاميه والاشوريه + اربع لغات
العريس : انتى بيتشتغلى
انا :اةةةةةةةةةةةةةةةةةةةةةةةة
شويه الباشا غمق ودخل سياسه لانه افتكرنى بما انى مزة ومسبسه الشعرتين وعلى الموضه هبله بقه
وكانت غلطه عمره
تعالى لحمو يا حبيبى
العرير : البلد فيها شغل كتير بس الشباب هى اللى بتسبهبل
سيكو : شكلى هقوم استهبل عليك ( مش فاهمه وضح فين الشغل ده )
العربر : فى كتير هما مش عاوزين
انا دمى فاااااااااااااااااااااار وجريت وراه قطه ومامتى احمرت وقالت خلاص مات العرير هتاكلوا سيكو
انا ببرود فين الشغل ده ياقمر يا مقطط الا الباشا منين
اذا كان بلد بتطلع كل يوم مؤهلات ومفيش سوق عمل ولا طلب
بعنى العرض اكتر من الطلب
هو : اه بس يشتغلوا اى حاجه
سيكو : يعنى احرق دمى كل السنين دى وفى الاخر اشتغل زباله
هو : وايه بعنى
سيكو : والحاله اشتغلت خلاص
بس بس بس تعالى افهم السياسه يا مدهول
بص يا حبيبى سوق العمل عاوز خبرة وعلشان الخبرة عاوز تدريب وعلشان تدريب لازم مصانع وعلشان مصانع عاوزين مانى ومفيش مانى ازيك بجاااااااااااااااااا
ده اولا
ثانيا : قلت ليك مفيش تنظيم لسوق العرض والطلب
حقوق وتجاره بطلع محامين اكتر من الحرميه ومحاسيبن اكتر من الشركات ودكاتره اكتر من العيانين
ازيك بجااااااااااااااااااااااااااااااااااااااااااا
فهمت
طبعا الواد ازبهل وقام وقال انا ماشى
سيكو : حق البتى فور بقا يا باشا
العرير : انتى عندك شغل بكره
سيكو : اه وانت مالك
العربر : لا بسال
طب مع السلامه ومنجلكش فى وظيفه
سلللللللللللللللاااااااام
وسمعنى اغنيه
افرحى يا عرورة اا العرير زغرطى يا عرورة انا العرير
كلمه اخيرة
الى كان شاب مقبل على خطوة مهببه زى دى بلاش تتكلم فى السياسه
لربنا يوقعك فى سيكو زى
ارجوووووووووووووكم
متبص للبنت انها ناقصه عقل ودين وهبله بقه
لحسن تتشرد زى ما انا عملت
وقد انذر من اعذر
**************************************







الأحد، 20 يناير 2008

سؤال .................هى البلد مالها


احب اعبر من هذا المنبر واقول
على راى الاخت نجلا لما قالت
بح خلاص ......مفيش
هتقولوا هى ايه يا سيكو
قلت ليكوا قبل كده متفهمونيش غلط
اللى خلاص وبح
مفيش رجاله خلاص خلصوا بقى حبه فى الاوكازيون وقرب العدد ينفذ
ليه بقى احكى ليكوا
النهارده الصبح قمت من النوم مفستكه وتعبانه مووووووووت والبرد شديد ومخبيش عليكوا طول الليل احلم احلام وحشه
قمت وافتكرت هيفاء وروحت لغايه المرايا واقعدت اسرح شعرى واعمل ماسك
لكن.....................مع الاسف .......................مع الالم ...........مفيش فايده
لقيت الحاجه امى اللى اول ما شفتنى تعبانه قالت
امى : احسن ربنا يهدك يا سيكو
سيكو: ليه بس على الصبح
امى : علشان تبطلى ضحك عليا
سيكو : طيب
امى : وانتى بتعملى ايه فى وشك
سيكو: بلعب وشى وانا حره
امى : اش تعمل الماشطه فى الوش العكر
سيكو : ماشى يا ماما اوعى وشك بقه وانزلى روحى السوق احسن
نزلت ماما ونزلت معاها وروحت ركبت ايه
المترو
ودى كانت غلطه وعلى راى هانى شاكر غلطه ونادمان عليها
المهم روحت عند عربيه السيدات
لكن
لما ركبت لقيتها كلها رجاله
فى سرى هما قلبوا بعد هيفاء ولا ايه
ركبيت وركب معايا اتنين ستا ت واضح انهم راجعين من شغل مع انى كنت الساعه12 الضهر
وحصل الاتى
المشهد جوه صعب الدنيا زحمه خالص والرجاله مجازا مسطعبطه وقاعده
الست : هى دى مش سيدات
راجل : لا غيروها امبارح بقت الرابعه والخامسه
الست لصاحبتها : طب وليه دول اغبياء قوى طب ميا خلوها الاخيرة وخلاص ايه الروشه دى
يعنى هنقعد نعد
صاحبتها : وايه الرجاله لما صدقوا ايه الغل الدفين ده
الست واضح انها تعبانه وهى وصاحبتها عمالين يبدلوا فى الكرسى وكل الرجاله قاعده والستات يا عنى واقفه والرجاله عمالين عبط
واذ بواحد عريض المنكبين ضخم الجثه وعلى مستوى نظرى شوفت ركب بنى ادم قااااااااااااااااااال
ان الحكومه عملت كده بسبب حدثه حلوان والست اللى كانت سببها هى والعيال
وقعد يعك بالكلام
كل ده وانا واقفه بتابع بعينى بس
الست ردت وقالت : طيب
الراجل : ما انتوا وعيالكم السبب
الست سكتت
قلت اخش بطريق غير مباشر وملت عليها وقلت فى ودنها واحنا مالنا
الست بصوت عالى : واحنا مالنا
الراجل : ما انتوا وعيالكم السبب
انا فى ودنها واحنا جبناهم لوحدينا ما هما مش السبب هما جم لوحديهم اشعال ذاتى يعنى
الست : هو احنا جبناهم لوحدينا ما انتو السبب كتكوا هم يعنى جم لوحديهم ما نتوا السبب
فى سرى حلوة اللعبه دى عجبتنىانا فى ودنها : ومعندهمش دم قاعدين وموقفنا وفى الاخر شاغلين خدمين عندهم
الست بصوت عالى قوى : اه وفى الاخر نرجع من الشغل نتزرع فى المطبخ علشان تتطفحوا
الراجل : من بكره هيدفعوكوا غرامه لو ركبتوا هنا تانى 22 جنيه ونص
الست بصت ليا
قلت ليها بصوت واطى ده عبيط احنا مبندفعش هما بس
راحت صرخت وقالت : لا يا حبيبى انتوا بس
شويه طلعت ست كبيره فى السن قوى وشكلها تعبان وهتموت وتقعد انى حد يقعدها ابدا عالم برده
بامانه دمى اتحرق بس اعمل ايه منا واقفه
واللى زاد وغطى سواق المترو مجنون كل شويه بعد ما يقف فى المحطه يقفل الباب ويشتم شتيمه وحشه فى الركاب
زكى يقفل الباب علشان محدش يطلع يرد عليه ولا يضربوا
كل ده وانا هفطس مفيش اكسجين ولا فى دم
المهم الست قالت : هو ده مترو ولا ايه
وشوشتها وقلت : دى فسبه معفنه كمان
الست بصوت عالى " اه دى فسبه صحيح "
المهم ضكت بما فى الكفايه
الست وصاحبتها نزلوا وفضى مكان ليا ومكان للحجه وعقبال ما جيت اقعدها قعد مكانى نطع وعمل عبيط
الست العجوزة : تعالى اقعدى انتى يا بنتى
انا : لا ابدا خليكى يا امى
العجوزة : لا ده مكانك هقف انا
انا : ابد والله العظيم ابدا
ان البعيد يحس لالالالالالا ان النطع يشعر
واللى منرفزنى انه عامل نفسه متدين واخوان مسلمين
اقعدت افكر والبعيد عمل ليه كده
قلت يمكن مضايق من شكلى النضيف وقال مدام متقامعه كده اقفى احسن ومسبسبه شعرك ولابسه نضاره ياختى اختشى
شويه والابعد قعد مكانى ماهو خلاص مكان ابوه بيحكم فيه ست منقبه
قلت اصحاب العقول فى راحه
وكبرى يا سيكو هنبتدبها عصبيه
يعنى الابعد لو دى امه كان وقافها كده حمااااااااااااار
وقال ايه متدين ابن العبيطه
شويه ونزلت وانا نازله
افتكرت مسرحيه الزعيم والدعاء لرئيس الجمهوريه وقلت
اللهم افقر الزعيم وخليه يركب مترو الانفاق
اللهم امين

السبت، 12 يناير 2008

انا ومامتى وال تى فى .........................؟؟؟؟؟؟؟؟



السلام عليكم الاول
ثانيا : مرسى لعمو عبقرينو ووزتى البوست الجامد ده
بس ابقى افتكرها يا وزتى ومتعيطش
-----------------------------------------
بقالى اسبوع متابعه امى والتلفزيون وهى مصممه تروشنى بالاخبار والسياسه اصلكوا مبتشوفهاش وهى قاعده وعامله نفسها محلله سياسيه
الست دى امى
المهم احنا قعدين ولقيت اعلان انفلونزا الطيور
واذ بالراجل بيقول
لو لقيت فرخه حتى ببلاش متاخدهاش
امى : ده عبيط يا سيكو
سيكو : ايوة يا ماما واضح كده
امى : يعنى لو لقيت فرخه ببلاش اسيبها
سيكو : بالنسبه ليكى انتى يا مامتشى ابقى خديها بالاحضان وبوسيها خلينا نخلص
مامتى : انتى واطيه يا سيكو
سيكو : اينعم
-------------------------------------------------
وبعد شويه جه الاعلان التانى بتاع انفلونزا الطيور برضوا وبيشرح الاعراض واليك الاعراض
1- سخونيه ( متتفرجوش على ميلودى كتير بتسبب انتشار الحمى )
2- انتفاش فى الريش ( ده بقى واضح جدا فى وزتى ومامتى والله لبلغ عنهم )
3- ترشيح ( وخدوا بالكم من ترشيح دى يعنى لو مرشحه نفسها تبع الحزب الوطنى يبقى الفرخه براءه وكلنا معاها اما لو معارضه بقى تبقى عاوزة الدبح )
4- ماشيه مش مظبوطه ( دى بقى انا موت من الضحك وقلت لمامتى
يعنى ايه افرض ماشيه بتدلع او فاكره نفسها مزة ندبحها
ماما : اه ماهى تستاهل الدبح
سيكو: طب احذرى بقى لحسن ساعات بشوفك بتمشى مقاصاااااااات
ماما : انتى واطيه
سيكو : اينعم
--------------------------------------------------
على فكره وزتى برضوا بتمشى مقاصات
وتحذير قوى لبنات وسط البلد اوعوا تدلعوا دى اعرض انفلونزا الطيور
يارب يلغوا التليفزيون
---------------------------------------

الجمعة، 11 يناير 2008

حدث خطير لسيكووووووووووو ( من المسؤول ... الماء ام الصابون)




سيكو تحيكم من غرفة عمليات النظافة و امامكم صورة لقاعدة العمليات الرئيسية فى غرفة النظافة ., و اليكم ما يلى:

سيكو معروفة بانها نظيفة القلب و طاهرة النفس و اليدين و القدمين و كل شىء

و بناءا على الجدول الذى تنفذه سيكو بصفة ثابتة و مستمرة يوميا ( خدو بالكو من يوميا دى ) بعد الاستيقاظ و قبل النوم تقوم بزيارة غرفة عمليات النظافة و القاء التحية و التأكد من سلامة و جهوزية غرفة العمليات لاى طارىء .


و كما يحدث كل يوم قامت سيكو بأجراء التفتيش اللزم للتأكد من سلامة الاجراءات و قامت بمباشرة اجرأتها الروتنية بكل صفاء نية و طيب نفس و امل فى المستقبل المشرق النظــــــــــــــــيف الرائع المنعش و لكن يا حسرتاااااااااااه نعم اصيبت سيكو بصدمة قاسية و غير متوقعة فى ظل ظروف

جوية غير مناسبة فكما تعلمون ايها الاصدقاء ان الجو بااااااااااااااااااااااارد

باااااااااااااااارد بل شديد البرودة و سيكو كما تعرفون لا تحب البروووووووودة

بل هي مصابة ببرد شديد اضطرها الى البقاء بجوار غرفة العمليات بالمنزل

منعا لاى طارىء صحى غير مناسب و لكنها ( كالعاده ملتزمة بتنفيذ جدول النظافة )

و كانت المفاااااااااجأأأأأاة و يالهول المفاجأه فبعد الترتيبات اللزمة و الاستعدادات الواجبة

و التجهيزات الى تلزم لمثل هذه الاشياء وبعد ان قامت بالخطوات الاولى و الثانية لتنفيذ

البروتوكول فوجئت بالصدمة (المااااااااااااء) اصبح بااااااااااااردااااااااا بل شديد البرودة

كأنه يهبط عليها سيل من الثلج من القطب الشمالى و القطب الجنوبى فى أن واحد

و لكم ان تتصوروا ايها الاصدقاء المتاهة العظيمة و الالم الشديدين اللتان شعرت بهم سيكو

كاد يحيلها الى حالة من السيكوهاتية وهى حالة لم تفسر حتى الان لا فى الطب النفسى ولا فى الطب العضوى ولا فى اى طب تانى ............ انها لم تعد تعرف اين رأسها بل اين قدميها بل اين هى

انها صدمة تزعزع الوجدان و تصيب القلب و العقل

و لم تعد سيكو المسكينة تعرف كيف تتصرف هل تلجىء الى مجلس الامن التابع للامم المتحدة ام تلجىء الى مجلس جامعة الدول العربية ام مجلس حموم الانسان الدولى و حقوق الانسان الدولى و لكنها بعبقريتها المتقدة و ذكائها الفذ و روحها الشفافة و حسن تصرفها عند الملمات قامت بلم كل ما طالته يديها من فوط و ملابس و ما تيسر لها خلاف ذلك لاشعارها بالدفء اللزم و منع سقوط اطنان من الثلج على رأسها و خرجت من غرفة العمليات لا تعرف ماذا حدث هل السبب من السخان ام من سوء حظها ام طارىء دولى حدث تسبب فى انقطاع تسخين المياة و انهيار القطبين الشمالى و الجنوبى علي رأسها

سيكو تعطس ( هتسى ...هتسى ) سيكو تكح ( هيىء هيىء ) سيكو فى حالة مريعة انها تحتاج منظمات الاغاثة الدولية و منظمات الاغاثة الاهلية و خاصة من الدول العظمى المؤهلة لانقاذ مثل هذه الحالات

و تعتقد سيكو انه سيصدر قرار من مجلس الامن الدولى لحموم الانسان او على الاقل بيان رئاسى من مجلس الامن الدولى لاستنكار و شجب هذه المؤامرة على سيكو المسكينة طيبة القلب التى تحب كل البشر و تتمنى لهم ماء دافىء و حياة هنيئة

سيكو تحدثكم الان من تحت حوالى 14 بطنية و خمس الحفة و ما تيسر من الكوفيرتات بلاضافة الى حوالى بلوفرين تلاته ترتديهم

ارفعو ايديكم الى السماء بالدعاء لسيكو لكى تجتاز ازمتها الخطيرة

من السبب الماء ام الصابون ام مؤامرة دولية

للاقتراع برجاء تحديد وجهات نظركم الموضوعية مع تحياتى وزتى و ارجو الا يصيبوة ما اصابنى بل اتمنى ان يصيبة اشد من ذلك لكى لا يفرح فيا و يتنقور كعادته عليا

كتب هذا البوست بواسطه وزتى وعمو عبقرينو

الثلاثاء، 8 يناير 2008

اوعوا تفهمونى غلط ..........اوعى وشك


لالالالالالالالالالالالالالالالالالالالالالالالا
اوعى حد يفهمنى غلط
امبارح بالليل خير الله ما اجعلوا خير
كنت تعبانه جدا والبرد اللى كان عند ماما اتنقل ليا
فقلت يا بت يا سيكو بدل ما تفطسى بدرى اجرى نامى فى السرير
المهم
خدت نفسى وروحت اوضتى وخدت الموبيل والتليفون وكلمت عمو عبقرينو و فتحت ال تى فى على قناه النيل للمنوعات
اذ القى ايه الست هيفاء على الشاشه
اقلب بلاش اتفرج بقه
المهم
سبتها
وقعدت اتفرج الست مزة مزة
بجد بدون مبالغه انا عندى برد وانتفاش فى الريش بس لسه مركزة
حبه كده ولقيتها بتبدع
اركز شويه
لالالالالالالالالالالالالالالالالالالالالالالالا ده مش غنى
اركز تانى لالالالالالالالالالالالالالالالالالالالالاده مش راقص
ده ايه يا بت يا سيكو ده ايه
اه اه اه ده ده قولوا انتوا بقه
المهم
شويه وسخنت لا متفهمش غلط من البرد مش حاجه تانيه وفتحت بقى 45 درجه مع ميل مع رقاصات هيفاء
ودماغى عمالى تقول دى اسد اسد
ودى ياختى استك ولا بلاستك
يعنى طبيعيه زينا كده
قلت اكيد اكيد لا
وحمدت ربى انى مش متجوزة لحسن القى جوزى بيقول شايفه الستات يا دكر
وساعتها هقول دكر فى عينك يا دكر البط انت
لكن اللى دخل عليا اخويا فجاه وقااااااااااااااااااااااااااااااااااااااال
سيكو بتعملى ايه
الواد اندهش لاقنى متنحه وفاتحه بقى ومحمره زى القوطه اكيد فهمنى غلط
ههههههههههههههه
قلت له عيب عليك دى هيفاء ست يعنى واللى فيا من البرد
الواد خرج مش مصدقنى
قومت وراه وقلت له
الا قول لى يا خويا هى استيك ولا بلاستيك





الاثنين، 7 يناير 2008

كساره البندق ..........هيييييييييييييييييييييييييييييييييييييييييييييييييييييه




هيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه
حد هيسالنى وانتى مبسوطه كده ليه ما تكتبى عن كساره البندق عادى انا مش شايف بروبلم ( مشكله )

هقوله لالالالالالالالالالالالالالالالا

مش بالبساطه دى ده انا قعدت حوالى اسبوعين بعمل مناورات وخطط حربيه للحصول على تصريح الكتابه

هيرد تانى اللى سال فى الاول : ليه بقى ما هو عادى
هقوله لا مش عادى لانى هرجع اكتب عن صديقى بعد الحصول على موافقه من جناب سيادته بالموافقه على الكتابه
ومن هنا من هذا المنبر ابعث الى صديقى شكرا خالص
( بعنى تشكر ياعرب )

هيرد يسالنى تانى : ازاى بقه يا سيكو وافق

اقولك يا سيدى

استخدمت اسلحتى الفتاكه وهى ..... الزن ........

ايوه مش بيقولى الزن على الودان امر من السحر
ايوه قعدت ازن ازن ازن زى النحله وفى الاخر عضيتوا ما زهقت واليكم نص الزن اللى حصل
وده مقتطفات مش اكتر
سيكو : صديقى عاوزة اكتب عنك
صديقى:لالالالالالالالالالالالالالالالالا

سيكو : ارجوووووووووووووووووووووووووووووك
صدبقى : لالالالالالالالالالالالالالالالا

وحسيت كده انه نفش ريشوا وعمل نفس واصى عليه وقال

قلت لا بدون نقاش

سيكو : والنبى والنبى وحياتى عندك
صديقى : قلت لا
ساعه على كده يا اخونا فى الاخر قلت له

صديقى رد وهو نافش ريشوا نعم

طز فيك ههههههههههههههههه
فى الاخر صديقى وافق الحمد الله بعد زن دام اسبوعين
حد هيقولى انا توهت ايه علاقه ده بكساره البندق
هرد اقوله

لا ارجوك يا عم سراب وانت جاى مدونتى حط البطاقه فى جيبك وفلوس علشان نعرف نرجعك فى الاخر

نخش بقى فى الموضوع

من اسبوعين كده جالى تذاكر كساره البندق وكنت متفقه
انا وصديقى نروح ومامته وكان معانا برضوا منمن وسوسو

حلو كده ...قولوا حلوه قوى

المهم انا يا شباب كنت متخانقه مع صدبقى قبليها باسبوع

ووسط عمو عبقرينوا علشان التذاكر مع صديقى يتكلم معاه ويسالوا هنروح ولا الا

بصراحه عمو عبقرينوا كتر الف خيره والله تعبينوا معانا كلمه وقالى هيروح وكلميه

المهم
كلمتوا واتفقنا على المكان والميعاد

روحت يا اخونا لكن وانا ريحه السكه زحمه جدا ووصلت متاخره على صديقى ومامته والعرض نص ساعه
وكلمتوا وانا فى الطريق وقلت له ادخل انت وسيب تذكرتى على الباب
لكن صديقى طلع جنتل وفضل مستانى على الباب ودخل مامته واستنانى

المهم

وصلت الحمد الله وركنا عربيه الاخت داليا صديقتى اللى جت معايا
كل ده واليوم طبيعى عاااااااااااااااااااااااادى

دخلنا

العرض وقعدنا فى مكان مختلف لان العرض كان بدا وممنوع الدخول

قعدت انا وصديقى لغايه ما انتهى الفصل الاول
وروحنا خارجين ندور على الباقى

منمن وسوسو ومامه صديقى

وانا بدور عليهم فى القاعه تحت بارقام التذاكر
مش لاقينهم وافتكرت ان تذاكرى صاله
ومنمن وسوسو بلكون
المهم قلت صديقى نسال وفعلا سالت واحد من الموظفين هناك وهما بجد ناس محترمه

لكن
يا اخونا وانا خارجه قلت لصديقى اسندنى ان مش عارفه امشى على الكعب لانى مش متعوده
لكن صديقى يا اخونا ربنا يكرمه

فجاه وبدون انذار سابق
وهووووووووووب وقعت واقعه لدرجه انى بوست ارض الاوبرا
ومش اقوم لا قعدت على رجلى وهههههههههههههههههههههههههههههه

ميته من الضحك

المهم صدبقى شخط فيا لان الشكل العام بقى ووحش
وانا فى سرى قلت الحمد الله ان مامته مش موجوده
لكن يا ساده
ليس كل ما يتمناه المرء يدركه
قومت وخرجنا ولقبينا فى الاخر منمن وسوسو وطنط
واذ بمنمن قال : بس بتعرفى تقعى يا سيكو
سيكو: ايه ده انت شوفتنى هههههههههههه
صديقى : البت دى باين عليها هبله
سيكو : انا طيب

صديقى : ما انتى من ساعه ما روحتى للدكتور العصبيه قلبت معاكى هبل

المهم اتعرفت على طنط وهى بجد ست لطبفه جداوكمان مثقفه وفنانه وبتفهم
نزلنا ودخلنا الجزء التانى
وهناك بقه كنا قاعدين كده

طنط وانا وصديقى

وقعدت انا وطنط نتاقش فى الفن والثقافه والسياسه كله تمام
ويدا العرض وقعدنا ساكتين

ولكن

شويه سالت صديقى اللى لاقيتوا مضايق

سيكو : مالك
صديقى: مش فاهم حاجه
طنط : ليه يابنى
صديقى : مش فاهم

المهم شويه قلت له حاول طيب تتمتع بالموسيقا والمشاهد

وواضح انه فهمنى غلط

ليه بقه
لانه بعد شويه

لقيتوا بيصفق قووووووووووووووووووووى

فاستغربت


بصيت له وتبعتوا

لاقيتوا بيصفق للبالرينا اللى لابسه فستان احمر
فسالتوا : خير
قاااااااااااااااال : اصلها حلو قوى وبيضه
ضحكت طبعا وقلت له ده اللى عجبك

على راى المثل
ناهيتك ما انتهيت والطيع فيك غالب


وكل شويه البنت تطلع هو يصفق


لغايه ما كان هاين عليا


اكسر دماغوا انا بكساره بندق

طلعت وقعدت اكلم طنط وقعدنا نتناقش ونهزر وهى بجد قعدت



تضحك وتحكى ليا ذكرياتها فى امريكا وايطاليا وقالت لي انها ناوي ترسم لوحه عن الباليه


خرجنا



طبعا منمن وسوسو بلغوا فرار



وداليا هى كمان

وطنط وصديقى وصلونى للمترو وروحنا


انتهت يا ساده يا كرام

كلمه لصديقى



شوفت انا مردتش اكتر علشانك بس اى خدمه

السبت، 5 يناير 2008

بلدى .........طنطا .....وأحب اعيش أونطه


هاى

من يومين كده خير الله ما اجعلوا خير كنت قاعده مع الحاجه امى ربنا يخليها ليا وتفضل كده هبالنى

المهم يا جماعه


الحاجه قاعده وعندها برد شديد ولاقتها بتقول

سيكو ميكنش عندى انفلونزا طيور

رديت وقلت

والله يا امى حسب الحاله لو جالك انتفاش فى الريش مع هبل شديد تبقى هى

امى : وده اعرفه ازاى

قعدت مربعه وعملت نفسى كحكيم الصحه وقلت

سيكو تتحدث : ماما قولى ولا تخبى ايه علاقتك بالفراخ اليومين دول

ماما وهى مستغربه : عادى يعنى ايه

سيكو : يعنى اخر مرة بوستى فرخه امتى

ماما : قومى من هنا يا سيكو لاضربك

سيكو : انتى حره كنت هعالجك


قمت يا اخونا وماما وانا ماشيه قالت ماتيجى نسافر البلد يا سيكو


لاقيتنى صراخت وقلت انا ابدا ابدا انا اخر مرة برستيجى ضاع وكله ضاع

امى انتى لسه فاكره انتى قلبك اسود


اصل يا جماعه من اربع سنبن كده نزلت انا وماما البلد فى الاجازه كنت لسه متخرجه وكانت اجازة الصيف وماما عاوزة تشوف اخواتها اللى كلهم فى البلد ما عادا هى


المهم سافرت معاها وقلت عادى


هناك بقى اول ما وصلت هى بلد فلاحين خالص وانا بروح كل سنه اتمتع بالطبيعه والبلد والهواء كل حاجه مختلفه حاجه كده نقيه


احنا يا اخونا عندنا دار كبيره قوى مبنى حديث مكون من ست طوابق والتانى دور واحد وهو الدوار وخلفهم حظيرة المواشى والفرن وترومبيت الميه وكل ده داخل صور مجمع الكل وليهم بوابه كبيره


المهم يا شباب دخلت واول ما دخلت لقيت هجوم كاسح ارض جو

نسيت اقول ليكوا انا عندى سبع خالان غير خالتين غير اللى توافهم الله اصل جدتى ست ولا كل الستات ارنبه

وجدى رجل ولا كل الرجال يعنى اخوات امى بالظبط 11 نفر

دول من غير الاطفال

اه اكمل ليكوا او ما دخلت وبما انى اكبر بنت هناك لان امى اول واحده اتجوزت وخلفت لقيت حواليا بالظبط 30 طفل بسم الله ما شاء الله

قعدت اعد فيهم وسبت امى وخالانى ووقفتهم صف وقلت كجنرال فى معركه

صفوف بقى يا حبيبى انت وهو وهى وكل واحد يقولى بالظبط هو ابن مين واتولد امتى والساعه كام بالظبط

العيال طبعا افتكرونى هبله لكن محدش قدر يتحرك من مكانه بدون اذن كنت هاكلوا

هما اعمرهم كده تتراوح مابين لسه مولود وحتى الجامعه يعنى باختصار كل مراحل التعليم سنه بسنه


المهم خالى جه وقالى ايه يا سيكو انتى بتقرى على العيال

قلت له حاش لله يا خالى بس قولى هو انتوا كنت داخلين المارثوان

ولا فى تار ما بينكم ولا ايه ده اقل نفر عنده تلاته

قالى الله اكبر يا سيكو

لا يا خالى انا مش بحسد انا بس بسال طب بتوكليهم ازاى طب بلاش بتعرفوهم من بعض ده انا تهت ونسيت انا بنت مين

خالى قالى سيبك من كل ده تيجى معايا

سيكو : فين يا خالى

خالى : الغيط ( الحقل يعنى )

سيكو " يا ريت انا نفسى اشوف الارض واهو بالمره نعرف ارضنا فين


خالى يا جماعه دخل وجاب البقره والحمار


عادى جدا اللى مش عادى ان كان ساعتها منتشر جنون البقر وانا كنت قلقانه من البقره لانها اول ما شافتنى واضح انها كرهتنى وبدات تبص ليا وتقول عااااااااااااااااااااااااااااااااااااااااااااااااع


انا خفت وسالت خالى قالى لا عادى يا سيكو متخفيش دى مستغرباكى بس

قلت طيب هنعمل ايه

قالى اركبى انتى الحمار ده وانا هاخد البقرة

سالت خالى وده يمشى ازاى

قالى : يعنى ايه
سيكو : يعنى مانوال ولا اتومتك
يعنى فين الدبارياج والفرامل والبنزين اسوقه ازاى

خالى : اركبى انتى وهو عارف الطريق
سيكو: يعنى هو متبرمج يعنى اتومومتك

خالى : يعنى ايه

قلت له ولا حاجه خلاص


المهم يا شباب خرج خالى بالبقرة اللى كرهانى وانا بقى قلت هيييييييييييييييييييييييييييه هركب الحمار وعملت نفسى ابو زيد الهلالى عليه وقعدت اجرى بيه

المهم شويه والبقرة وخالى قدامى وانا والحمار ورا

لكن وخد بالك من لكن

كل شويه البقره تدير ليا وتقول عااااااااااااااااااااااااااااااااااع وعنيها بطق شرار

سيكو: خالوا الحقنى

خالى : مالك فى ايه

سيكو : البقره عاوزة تضربنى

خالى : لالالالالالالا متهايلك هى مستغرباكى بس


لكن يا اخونا كل شويه البقره تلف وتقول عااااااااااااااااااااااااااااااااااااااااااع وعنيها بطق شرار

ولا كانى مرات ابوها او كلت حد من عليتها او الله اعلم هى فاهمنى غلط


سيكو : خالى هو انتوا عندكم جنون بقر

خالى : اه ظهر كام حاله كده

قلت قشطه يبقى البقره دى مجنونه

المهم

شويه وانا حطه عينى عليها وخايفه منها موت وحركه مفاجئه منها لفت 180 درجه وشدت اللجام من ايد خالى وانا بسرعه البرق ناطيت من على الحمار

وطلعت اجرى وهى ورايا وانا اجرى وهى ورايا

وخالى ورايا ميت من الضحك واستخبيت منها والفلاحين مسكوها ورجعوها لخالى


ورجعت لخالى وقلت ابدا مامشيش انا وهى فى طريق وواضح انها هديت شويه وكانها كانت بتضحك من جواها عليا وباصا ليا وميته من الضحك


خالى يعنى ايه

يعنى انت هتاخد المحور وانا الدائرى

خالى قالى ماشى اركبى الحمار وهو هيوصلك للغيط

قلت ماشى مش هو متبرمج

خالى قالى اه


المهم ركبت ومشيت شويه واحنا بقى على طريق الترعه قابلت خالى ناصر اللى قال سيكو عرفتى تركبى الحمار

سيكو ايوه يا خالى

خالى ناصر : راحه فين

سيكو : معرفش بس ممكن تسال الحمار خالى بيقول متبرمج

خالى : طيب بس اوعى ينزلك الترعه

سيكو : ربنا يستر


المهم مفيش دقيقه وواضح ان الحمار معجبوش الكلام وهوب لاقيتوا متجه للترعه ودلقنى هناك زى كوم الزباله وخالى ناصر واقف ميت من الضحك


سيكو : كده يا خالى انبسطت

خالى : معلش يا سيكو وركبنى تانى الحمار ومفيش لقيت الحمار اللى واضح انه طلع احول فى الاخر ودخل فى راجل عجوز


الراجل : انتى حماره

سيكو : لا سيادتك ده هو

الراجل وخد باله من اللهجه انى من القاهره : هو مين

سيكو : هو الحمار مش انا

الراجل : مش انتى اللى سايقه

سيكو : ابدا والله هو اللى متبرمج

جه خالى جرى واعتذر للحج وقالوا معلش دى بنت كذا وغريبه ومش عارفه حاجه

لقيت الراجل بص ليا باستغراب وقال لا حول ولا قوة الا بالله


المهم الحمار عقل وودانى فى الاخر الغيط وجه بعد كده خالى والبقره المجنونه

وقلت فى سرى وانا بصه ليه اانتى مجنونه

لقيتها كانها قرات افكارى وقالت ععععععععععععععععععععععععععععععععععععععااااااااااع

قلت خالى انا عاوزة اروح لامى عااااااااااااااااااااااااااااااااااااع

قالى خلاص يا سيكو هى هديت

قلت طب ما تديها مهدا انا عندى خبره ومعايا قالى لا هى هتعقل لوحدها قلت طيب

شويه كده خالى خدنى وقعد يعلمنى ازاى اقطع درة وقعدنا وهزرانا وعادى ونسيت

لكن شويه كده قالى تعالى يا سيكو حطى الاكل للبقره

قلت لا دى مجنونه هتاكلنى انا لالالالالالالالالالا

خالى متخفيش حطى الاكل علشان تحبك


وانا بكل هبل خدت الاكل ولسه هقرب منها لقيتها بصت ليا حته دين بصه وقالت عااااااااااااااااااااااع وقطعت اللجام من الارض وجريت ورايا

انا بقه رميت الاكل قلت يمكن هى عاوزة الاكل

ابدا لاقتها سابت الاكل وورايا وانا اجرى وهى ورايا مصصمه على ايه معرفش


المهم خالى جرى ورانا وكان المنظر كالاتى

انا بجرى والبقره ورايا وخالى ورانا احنا الاتنين

المهم خالى حصلها ومسكها وقالى خلاص هى بقيت كويسه


سيكو: كويسه مين انا عاوزة امى البقره دى منطهدانى وانت مسلطها عليا هى بقره ولا كلب


خالى خلاص هنروح

شويه وخالى جاب البرسيم للحيوانات فى الدار وحطه على الحمار وقال اركبى

قلت له لا كفايه عليه الحمل

قالى متخفيش هو خفبف والحمار متعود على كده

المهم ركبت وظبط توازن

واذ بواحد جارنا فى الارض قال


يا حلاوه يا حلاوة دى عرفت تركب الحمار


والله ما كمل كنت انا على الارض وفوقى البرسيم وفوقنا الحمار وخالى ساب كل ده ووقع من الضحك على الارض

وقالى اتحسدتى يا بيضه

قلت له لا بيضه ولا فرخه قومنى

قومت وقالى تعالى اركبى

قلت اركب ايه ما كفايه كده انا برستبجى ضاع خااااااااااااااااااااالص انا راجعه

قالى عارفه الدار

قلت له دار مين انا هرجع مصر مشى انا خلاص مليش قاعده فى البلد دى


وده اللى حصل يا ساده يا كرام تفتكروا انا اقدر اروح البلد تانى

ابد نفر نفر نفر


بقى اروح اقع فى بقره مجنونه وحمار حصاوى احول

فينك يا وزتى




الجمعة، 4 يناير 2008

ذكرياتى

بدات ادعبس فى كراكيب قلبى وافتكرت ذكرياتى مع اللى فات من اكثر المراحل فى حياتى ذكريات كانت ثانوى والجامعه والجامعه بالاخص افتكرت زيكو اه ......زيكو حبيبى الاول.
اتعلمت منه كتير
اول مره اكتب عنه المهم ..........كان شخصيه غريبه شدنى قوى مش شكلوا
منكش يمت للجمال بصله ...خالص ....وكان كداب بطريقه مفيش زيها ....
وبالرغم من كل ده حبيتوا اه .....كنت عارفه كل عيوبه ....استمرت علاقتى به كصديقه له لمده سته اشهر فضلنا اصدقاء
كنت منبهره بثقافتوا وكان من النادر بالجامعه تقعد تتكلم فى السياسه
كان صديقى وحبيبى وكل ما لى
ولكن
تذكرت الاتى
مره كنت مريضه جدا وكان اول يوم العيد وخرجه معاه وكان بقالى كتير مشوفتوش لان كنت بمتحن وعامله معسكر
المهم
نزلت وروحت له
كنت فعلا مريضه جدا وكان اول مره يشوفنى ضعيفه وروحنا اركاديا واتغدينا واقعدت اتكلم براحه
وشويه جه تليفون
عمو : ارجعى حالا
سيكو : ليه
عمو: كده وخلاص
طبعا نفذت الامر
لكن افتكرت تعبيره له
قالى نفسى تفضلى عيانه على طول كده وقعدت يطبط عليا زى الطفله
واحنا مروحين لقيت واحد وقح وقفنا وقااااااااااااااااااااال بالحرف
بقى القمر دى تمشى مع المعفن ده ؟؟؟؟؟؟؟؟؟؟؟؟؟؟؟؟؟؟؟؟؟؟؟
وكان زيكو بوكسر وكان طول بعرض حاجه كده تلوحك ولاقنى ماسكه بنطلون لان ده اللى منت طايله وقلت
ارجوك مش عاوزة اروح القسم النهارده مش قادرة
أرجوووووووووووووووووووووووك
اصل نسيت اقول ليكوا ا نا وهو ارتبطنا فى القسم اه فى القسم مالكوا تخديتوا ليه احكى ليكوا
مرة روحت الجامعه ونزلت ولقيتوا هناك روحت سلمت وقعدت معاه الباشا اتسطل باين ونسى نفسه من الحب وحط الموبيل جنبه وكان الموبيل ايامها لسه بشوكه وكان تمنه 4000 جنيه
المهم قمنا وروحنا لحرس الجامعه ودخلنا وبعد كده طلعنا قسم الوايلى لاننا كان جامعه عين شمس وده اقرب اقسم واحنا هناك الباشا من كتر الهيام والغرام نسى نفسه والموبيل ولاقيتوا ماسك ايدى وبسها وطلب الارتباط وفعلا ارتبطت بيه
ونظره حولى لقينا نفسنا فى القسم ومتنا من الضحك
الذكرى التانيه
افتكرت مرة وهو خارج من الامتحان وانا منتظره مع الشله وجه ولكن وهو جى شقططوا ايمان ودى كانت اكبر شرشر فى الجامعه وهوب لاقيتها قعدت معاه وهوب لاقيتها بقيت على رجلوا
المهم عادى جدا كملت كلام مع اصحابى ولقيت نادر وده انتيموا وقالى سيكو عدى اليوم وهدى اعصابك
المهم سبتوا نص ساعه ونديت عليه مش بصوت ولا اى شى مجرد انى شاورت باصبعى وجه على طول زيكو كان بيحبنى قوى وانا عاره علشان كده مهتمتش باى شى
قلت له مش كفايه كده ورانا مشاوير وفعلا خدنا بعضنا وركبنا العربيه وروحنا مدينه نصر وهناك قعد يصالح فيا وكانت هناك اغنيه مرتبطه باليوم ده وهى ميردش بتاعه بهاء سلطان
وفعلا بعد حوالى خمس ساعات محيله سامحتوا
وقمنا وكان زيكو مسئول عنى مسئوليه كامله مفيش مكان اروحوا الا وكان معايا ومفيش حاجه اعملها الابعد اذن منه
مش خوف لا حب بجد كنا بنحب بعض قوى
حد هيطلع ويسالنى سبتوا بعض ليه
اقول له مستحملتش اه قعدت ست سنين معاه مفيش ذكرى ليا بالجامعه الا وهو فيها الا ان اللى حصل كان اقوى منى
مستحملتش الخيانه
اه الخيانه غدر بيا
زيكو كان بيخاف من حاجتين
الاولى الاحلام
التانيه بقا : الدعوه لان دعوتى مستجابه والحمد الله
فى يوم اتخنقنا ودعيت عليه جه تانى يوم مدشدش عمل حادثه بالعربيه وكان مصمم يجى يصالحنى
اقول خانى ازاى
اقول
فى يوم كان بيكلمنى ورايح الشغل كان خلاص خلص هو جامعه وانا لسه اخر سنه لانه كان اكبر منى بسنتين
لكن كان حريص لسه يجى الجامعه يقعد معايا يوصلنى يحضر معايا كانى كنت بنت له
مش هنسى تعليق واحده صاحبتى قالت ليا مش بحس انكو حبايب لا بحس من بعيد ان ده اب وبنتوا
المهم حلمت اليوم ده حلم غريب انا وهو وواحده تانيه ماشين فى طريق وبسيبوا افترق وهى بتكمل
الحلم اتكرر اكتر من مرة وانا بحاول اتوه وماصدقش كنت خايفه
المهم رفعت سماعه التليفون ودار الاتى
زيكو : وحشتنى يا حبيبتى
سيكو: اه
زيكو : مالك
حكيت له اللى حلمت بيه
قاااااااااااااااااااااااااااااااااااااااال
زيكو:
i am sorry
I am married but i am broken
انا وكنت فى صدمه
زيكو مش وقت انجليزى
هاعيد عليك اللى انت قولته انت اتجوزت لكن انفصلت
زيكو : اه نيره زميلتى فى مكتب المحاماه اتجوزتها عرفى وسبنا بعض
ولا كلمه ولا رد حطيط السماعه وبدون حتى تعليق
كانت ليله شتاء برد وكان اصحابى البنات عندى المهم خدت نفسى وخدتهم ونزلت
كان هو بيحاول يتصل ويكلمنى لكن كنت منهاره تماما
المهم كلم مى صحبتى وقال ليها تاخد بالها منى
نزلت وسط البلد والدنيا بتمطر ومحدش فى الشوارع وانا ماشيه مذهوله وشريط ذكارياتى بيجرى قدامى زى دلوقتى
كل اوقاتنا الحلوه
كنا خلاص بنحضر للزواج وامه وابوه كانوا قبليها بيكلمونى قبلها وبنحضر خلاص للجواز
افتكرت كل ده كنت حاسه ان الدنيا بتنهد قدامى احساس بالانهيار حتى مى سالتنى مالك
كانت الاجابه اغماءه وانهيار عصبى دخلت فيه
امى خدتنى وسافرت البلد قالت انسى روحت حاسيت بوحده اكتر
فضلت كده سنتين وكان طلبى الاخير منه انه يرحل عن حياتى نهائى
حتى اصدقائنا المشتركين تخليت عنهم كلهم
قلت اقوم واجمع فتات نفسى
كان جرج كبير ساب ندبه معلمه جوايا مقدرتش امحيها لكن قرارت التعايش معاها
اه كنت ملكه تخلت عن عرشها من اجل كرامتها
لم احاول ان انساه او اجرح فيه
ولكن ظل بداخلى كنسمه صيف اتى من غير معاد وذهب بدون عتاب
حتى بعد ما كرر محاولته للصلح وتدخلت والدته وكنت مقدرش اقول ليها الحقيقه المرة وادعيت انى بحب غيروه واديتوا دور الشهيد وخفت عليها من الصدمه ان ابنها الوحيد عمل كده
مقدرتش اغفر ورحلت بذكرياتى الجميله وخفت ان ابقى ان انتقم منه ومنى ومن كل جميل
لقد كا ن صرحا وانهدم اه اتهدم وخدت منه زكريات تبقى بداخلى ليس اكثر
حبيبى لقد احببتك كما انت ورحلت عنك وانت لست انت
مستحملتش غدرك بيا لانك كنت كل ما ليا
ابحث عنك الان بكل ما اراهم
واخر لقاء ما بنا كان غريب
كان اول مره اسوق عربيتى واروح الشغل وكان بيعدى وكنت هدوسه بيها نظر لى ونظرت له
ولكن اخذت سيارتى ورحلت واختفيت فى الزحام
اول لقاء بعد فراق دام اكثر من ثلاث سنوات
لقاء الغرباء
افتكرت اغنيه بهاء أه ه ه ه ه ه ه ه ه يومين وعدوا يومين وراحوا وفاتوا ا قلبى ما بين جراحوا
خسران كتير خسران عواطفه ومحد ابدا دارى بيه
ندمان على ادالوا عطفه وباعوا ارخص ما كان شريه
وهان عليه وهان عليه يكسر جناحه
يومين وعدوا يومبن وراحوا
يومين وفاتوا كانوا فى حياته اجمل ساعات
محلمش بيهم ومقلش فيهم همس اهات مدبش دوبنا يارتنا توبنا
كان كلى شى فى الدنيا ملكه وبين اديه
لكن خلاص عدى نسيم الحب واتولدت رياحوا
مكنوش يومين دول كانوا ياما دول عمر فات عدوا بلامه
يلا السلامه بقوا زكريات
ليه كل حاجه نحبها متحبناش






الخميس، 3 يناير 2008

عيله ماشيه بضامن

ايه رايكم فيا انا والوزة من يومين كده خير الله ما اجعلوا خير امى الله يخليها ليا وميحرمها من قله راحتى دايما قولوا يارب

المهم الحاجه قومتنى من احلها نومه ومدفيه وكسلانه وقالت قومى يا سيكو روحى مع اخوكى القسم

سيكو: يا فتاح يا عليم يا رزاق يا كريم خير انا مبحبش الاقسام

ماما : معلش يا سيكو قومى اخوكى مش عارف يخلص ورقوا معلش وارجعى نامى

سيكو : حااااااااااااااااااااااااااااااااضر

ماما : قبل ما تنزلى شوفى ليه مش عاوزين يعملوا محضر ليه علشان بطاقتوا ضاعت

اصل ايه يا سيكو عاوزين ضامن وحد يعمل له المحضر ازاى معرفش ؟؟؟؟؟؟؟؟؟؟؟؟؟؟

وقبل ما انزل امى وصتنى اولع فى القسم بالى فيه وقعدت تدعى على الظابط اللى رخم على اخويا

المهم دماغى كانت هتنفجر لسبين :
الاول : زن امى على الصبح
التانى : انى عاوزة انام

روحت يا اخونا وانا ناويه والنيه لله اكل دراع الظابط واى حد تانى فى القسم
نزلت وماشيه مع اخويا وانا بكلموا وهو غلبان خاااااااااااااالص وطيب
وقلت طيب ما ولعت فى القسم

المهم دخلت القسم ودخلت على الظابط اللى انكبس اول ما شافنى وطلعت البطاقه وعملت المحضر فى دقائق وكله تمام

المهم قالى اطلعى اختمى من فوق
طلعت عند واحده كده ودفعت الرسوم وسالتنى

بطاقتك دى

انا وبكل رخامه وغل ومش طايقه نفسى قلت نعم أفندم ......لا سلفها
الست سكتت وخافت
ورحت للظابط التانى اللى عنده الختم

دمى اتحرق
الظابط مش موجود سالت عليه قالوا بيصلى

المهم ....خمس دقائق .....10 .....ربع ساعه ......نص ساعه ...مفيش ...رحت ماسكه الامين
الاى قولى الظابط فين

الامين : بيصلى
سيكو : التراويح
الامين : لا يا استاذه ابد هاتى الورق
اديتوا الورق وشويه الغندور جه وعمال يحب فى الموبيل ومسكت الورقه وخليتوا يختمها وانا قرفانه من امه واللى خلفوا

المهم اديت اخويا المحضر ونزلت روحت وقلت له كمل انتى

شويه الواد اخويا رجع وقالى السجل معطل الورق

امى : روحى يا سيكو معاه
سيكو: انا هروح الولع فيهم وفى ابنك

المهم نزلت وانا رايحه افتكرت الاتى يوم ما كنت راحه مع امى واعمل ليها البطاقه وبطاقتى انا كمان احكوا ليكوا :

روحت انا وماما وواحده صاحبتى ودخلت خلصت ورقى وورق ماما وكله تمام
المهم

شويه لقيت الست بتاعته السجل بتنادى على امى وتقول

الانسه كذا............. بينى وبينكم قلت انسه ازاى ...............دى امى
روحت لبتاعه السجل وقلت ليها دى امى
ردت بكل سخافه : اللى عندى مسجل انها بنت ولسه انسه

قلت لامى : قشطه يا حجه انا لو منك ابلغ فرار واقول انسه والعيال دى من ملجا والحكومه معاكى
امى : يابنتى عيب
انا : للست القسيمه الجواز اهى
الست : اسم الزواج مش باين

قلت : احسن
ماما ماما

نعم

ما تفكرى شويه كده
افكر فى ايه يا سيكو
سيكو : فكرى لتكونى بنت وانا مش بنتك ولقتينا على باب ملجا

ماما : احترمى نفسك يا سيكو
روحت للست وقولت ليها ايه الحل

قالت اضمنيها انتى

سيكو : اضمنها ازاى وانا اعرفها منبن
الست : مش مامتك
سيكو : الله هى مش عندك انسه تبقى امى ازاى
ماما : يا بنتى بطلى هزار بقه
المهم ضمنت الحاجه وخرجنا وقعدت اهزر معاها
وقلت ليها

والله انا لو منك كنت طلعتها انسه واتجوزت تانى اللى ما فى مستند يثبت انك امى ولا عقد جواز وحتى شهادة الميلاد بتاعتى مكتوب فيها اسم مختلف عن اسمك

امى : اه ياريت ده حتى ابوكى مش مسجل العقد ولا ثبتكوا فى البطاقه

قلت ليها شوفتى الراجل مبلغ فرار من بدرى انا لو منك اهرب ههههههههههههههههههههههههههههههههههههههه
المهم موت من الضحك اليوم ده انا وامى وخلاص كلوا تمام وطلعت بطاقه

نرجع مرجوع العيله اللى انا ضمنه نصهم

ورحت ضمنت اخويا انه اخويا ويارب يستر ويطلع انى تبع العيله دى لانى حاسه انى جيه من مكان تانى اضمنهم بس

المهم روحت وقعدت شويه وروحت الكورس

هناك بقه ول ول

اكمل ليكوا بعدين



الثلاثاء، 1 يناير 2008

شعر اهداء من صديقى لى بمناسبه العام الجديد

كل سنه تعدى جمبك يولد حلمى فعنيكى
و اندهك انده عليكى اه يا صديقه عمرى الوحيد
اه يا رورو عشان بعزك نفسى اجيب الدنيا ليكى
نفسى اكمل سنينى بيكى وكل سنه تبقى عيد
احلى حضن بحسو حضنك لما بخدك بين اديا
احلى خوف عليا شوفتو بعنيا خوفك انتى عليا
اغلى شىء عندى انتى اغلى شىء فى الدنيا دى
و انا جمبك اه يا صديقة كل الدنيا
كل سنة تعدى جمبك يتولد حلمى فعنيكى
شكرا صديقى كم اتمنى ان لا تفرقنا الايام
من اجمل هدايا العام الجديد لى
كل سنه وانتم حبيبى
كل سنه وانتم بخير واتمنى تتحقق احلامنا كلنا

السنه دى....................

انا بقى هقول ليكوا احلامى

واتمنى انها تتحقق
بجد نفسى اكون ام ....
اه ام .....كل ما اشوف حبيبه بنت عمى واتذكر امنيتى دى

نفسى اكون ام ......هيطلع واحد من الجمهور ....وانا عارفه كويس...وهيقولى ام ....ازاى ....مش لما تتخطبى ...وتتجوزى ....الاول ....هقول له والنبى بطل ..غتاته وعبط الوز ده ...وتقف ....على صوابع رجليك ....وتتطول 3سم وسيبنى احلم ارجوووووووووووووووووووك......



واتمنى لصديقى كل خير ويحقق له كل امنياته ......
وعمو عبقرينو.....حبيبى ....اتمنى من الله ان تظل بجوارى دائما وربنا بحقق ليك كل احلامك


وبجد بحبكو قوى ...قوى ......قوى .................