السبت، 12 يناير 2008

انا ومامتى وال تى فى .........................؟؟؟؟؟؟؟؟



السلام عليكم الاول
ثانيا : مرسى لعمو عبقرينو ووزتى البوست الجامد ده
بس ابقى افتكرها يا وزتى ومتعيطش
-----------------------------------------
بقالى اسبوع متابعه امى والتلفزيون وهى مصممه تروشنى بالاخبار والسياسه اصلكوا مبتشوفهاش وهى قاعده وعامله نفسها محلله سياسيه
الست دى امى
المهم احنا قعدين ولقيت اعلان انفلونزا الطيور
واذ بالراجل بيقول
لو لقيت فرخه حتى ببلاش متاخدهاش
امى : ده عبيط يا سيكو
سيكو : ايوة يا ماما واضح كده
امى : يعنى لو لقيت فرخه ببلاش اسيبها
سيكو : بالنسبه ليكى انتى يا مامتشى ابقى خديها بالاحضان وبوسيها خلينا نخلص
مامتى : انتى واطيه يا سيكو
سيكو : اينعم
-------------------------------------------------
وبعد شويه جه الاعلان التانى بتاع انفلونزا الطيور برضوا وبيشرح الاعراض واليك الاعراض
1- سخونيه ( متتفرجوش على ميلودى كتير بتسبب انتشار الحمى )
2- انتفاش فى الريش ( ده بقى واضح جدا فى وزتى ومامتى والله لبلغ عنهم )
3- ترشيح ( وخدوا بالكم من ترشيح دى يعنى لو مرشحه نفسها تبع الحزب الوطنى يبقى الفرخه براءه وكلنا معاها اما لو معارضه بقى تبقى عاوزة الدبح )
4- ماشيه مش مظبوطه ( دى بقى انا موت من الضحك وقلت لمامتى
يعنى ايه افرض ماشيه بتدلع او فاكره نفسها مزة ندبحها
ماما : اه ماهى تستاهل الدبح
سيكو: طب احذرى بقى لحسن ساعات بشوفك بتمشى مقاصاااااااات
ماما : انتى واطيه
سيكو : اينعم
--------------------------------------------------
على فكره وزتى برضوا بتمشى مقاصات
وتحذير قوى لبنات وسط البلد اوعوا تدلعوا دى اعرض انفلونزا الطيور
يارب يلغوا التليفزيون
---------------------------------------

هناك تعليقان (2):

mohamed يقول...

سيكو وأنفلونزا الطيور ,هل نخاف على سيكو أم نخاف على أنفلونزا الطيور .
على ما أعتقد أن الانفلونزا والطيور ومن يأكلها يخاف من سيكو!
فرغم أن سيكو بنوتة خفيفة الظل, تميل الى أن تكون نباتية فى حالة عدم توفر اللحوم ,لكنها أذا انفتحت شهيتها للحم فأنها تأكلة فى كافة أحوالة سواء كان تم ذبحة أو مازال على قيض الحياة ,كما أنها تجيد فن المصمصةالتى يتقنها بنات بلدى ونسائها
وذلك فى أطارمن المقولة النسائية الشهيرة(معرفش أية الى صادد نفسى)
سيكو طيبة لكن لاتحب أن يدوس أحدا ما على طرفهاأو يأخذ منها طعامها,
أبنتى سيكو فى أطار من الحماية الابوية أشاغبك, أما بالنسبة لانتفاش الريش أو أنفشاشة وهى عكس أنتفاشة , فهى محاولة منهم لانقاذ نفسهم من المنفوخين هواء والذين جعلوا حياتنا ألم متواصل بلا أنقطاع,نحن نملك السخرية من انفسنا ومن الهواء مع تحياتى عبقرينو .

buffy يقول...

hi thts my first time here ur blog is so lovely u r so cute like ur mother