الثلاثاء، 1 يناير، 2008

شعر اهداء من صديقى لى بمناسبه العام الجديد

كل سنه تعدى جمبك يولد حلمى فعنيكى
و اندهك انده عليكى اه يا صديقه عمرى الوحيد
اه يا رورو عشان بعزك نفسى اجيب الدنيا ليكى
نفسى اكمل سنينى بيكى وكل سنه تبقى عيد
احلى حضن بحسو حضنك لما بخدك بين اديا
احلى خوف عليا شوفتو بعنيا خوفك انتى عليا
اغلى شىء عندى انتى اغلى شىء فى الدنيا دى
و انا جمبك اه يا صديقة كل الدنيا
كل سنة تعدى جمبك يتولد حلمى فعنيكى
شكرا صديقى كم اتمنى ان لا تفرقنا الايام
من اجمل هدايا العام الجديد لى

هناك تعليقان (2):

mohamed يقول...

ماستى الصافية وأبنتى الرائعةأسمحى لى ان أعبر لكى ولمن يقرأ ما تكتبينة عن رؤيتى لكى, شخصية فيها تدفق فيضان النيل وخصوبتة وعنفونة ورقتة,بل أزيد علية وعيا لعقل يفكر وقلبا يحس, وبين طيات ذلك نرى ما يواجهة جيلك من اضطرابافى التفكير والرؤيةلمايواجهوة من مشاكل لاتنتهى فى المشاعر وفىبناء حياة مستقرة مقبولة , يكفينى منك وضوحك بلا تزيف وصدقك بلا رياء والالتزام بمبادىء كثيرا من ابناء جيلك فقدوها أما عن وعى أو جهل
أن شاء اللة تعالى أكون جانبك دائما كأب وصديقك فقد أعطيتنى أكثر مما أستحق وضفتى لحياتى حياة ثرية وأبنة وصديقة غالية-عبقرينو

mirage_like يقول...

أوبا ..أوبا
لا اوبا بجد
انا امسك الخشب بقه
السلام عليكم الاول
بعدين نقول مبروك كبيره قوى ع التجديد الرائع ده
بجد ايه النشاط ده ..المدونه نضفت بجد
صور وحبشتكانات ..لا جو رومانسى فحت والله..مبروك من قلبى والله يا أستاذه
الشعر بتاع صديقك جميل واحساسه عالى وهديه غاليه طبعا بس هو محتاج يتضبط شويه وزن وقوافى واملاء بس طالع من القلب ..ربنا يخليكوا لبعض
عمو عبقرينو ..انا حبيت حضرتك من كتر كلام سيكو عليك
ربنا يحققلك كل اللى تتمنيه فى السنه الهجريه الجديده وكل عام وأنت الى الله اقرب وعلى طاعته أدوم
فى النهايه مستنى جديدك بشغف دؤوب
وكل يوم بكتشف فيكى موهبه جديده ..بتدرسى آثار وحفريات كمان
ربنا يحفظك ويزيدك من علمه سبحانه
سلام أيتها الرفيقه