احب اعبر من هذا المنبر واقول
على راى الاخت نجلا لما قالت
بح خلاص ......مفيش
هتقولوا هى ايه يا سيكو
قلت ليكوا قبل كده متفهمونيش غلط
اللى خلاص وبح
مفيش رجاله خلاص خلصوا بقى حبه فى الاوكازيون وقرب العدد ينفذ
ليه بقى احكى ليكوا
النهارده الصبح قمت من النوم مفستكه وتعبانه مووووووووت والبرد شديد ومخبيش عليكوا طول الليل احلم احلام وحشه
قمت وافتكرت هيفاء وروحت لغايه المرايا واقعدت اسرح شعرى واعمل ماسك
لكن.....................مع الاسف .......................مع الالم ...........مفيش فايده
لقيت الحاجه امى اللى اول ما شفتنى تعبانه قالت
امى : احسن ربنا يهدك يا سيكو
سيكو: ليه بس على الصبح
امى : علشان تبطلى ضحك عليا
سيكو : طيب
امى : وانتى بتعملى ايه فى وشك
سيكو: بلعب وشى وانا حره
امى : اش تعمل الماشطه فى الوش العكر
سيكو : ماشى يا ماما اوعى وشك بقه وانزلى روحى السوق احسن
نزلت ماما ونزلت معاها وروحت ركبت ايه
المترو
ودى كانت غلطه وعلى راى هانى شاكر غلطه ونادمان عليها
المهم روحت عند عربيه السيدات
لكن
لما ركبت لقيتها كلها رجاله
فى سرى هما قلبوا بعد هيفاء ولا ايه
ركبيت وركب معايا اتنين ستا ت واضح انهم راجعين من شغل مع انى كنت الساعه12 الضهر
وحصل الاتى
المشهد جوه صعب الدنيا زحمه خالص والرجاله مجازا مسطعبطه وقاعده
الست : هى دى مش سيدات
راجل : لا غيروها امبارح بقت الرابعه والخامسه
الست لصاحبتها : طب وليه دول اغبياء قوى طب ميا خلوها الاخيرة وخلاص ايه الروشه دى
يعنى هنقعد نعد
صاحبتها : وايه الرجاله لما صدقوا ايه الغل الدفين ده
الست واضح انها تعبانه وهى وصاحبتها عمالين يبدلوا فى الكرسى وكل الرجاله قاعده والستات يا عنى واقفه والرجاله عمالين عبط
واذ بواحد عريض المنكبين ضخم الجثه وعلى مستوى نظرى شوفت ركب بنى ادم قااااااااااااااااااال
ان الحكومه عملت كده بسبب حدثه حلوان والست اللى كانت سببها هى والعيال
وقعد يعك بالكلام
كل ده وانا واقفه بتابع بعينى بس
الست ردت وقالت : طيب
الراجل : ما انتوا وعيالكم السبب
الست سكتت
قلت اخش بطريق غير مباشر وملت عليها وقلت فى ودنها واحنا مالنا
الست بصوت عالى : واحنا مالنا
الراجل : ما انتوا وعيالكم السبب
انا فى ودنها واحنا جبناهم لوحدينا ما هما مش السبب هما جم لوحديهم اشعال ذاتى يعنى
الست : هو احنا جبناهم لوحدينا ما انتو السبب كتكوا هم يعنى جم لوحديهم ما نتوا السبب
فى سرى حلوة اللعبه دى عجبتنىانا فى ودنها : ومعندهمش دم قاعدين وموقفنا وفى الاخر شاغلين خدمين عندهم
الست بصوت عالى قوى : اه وفى الاخر نرجع من الشغل نتزرع فى المطبخ علشان تتطفحوا
الراجل : من بكره هيدفعوكوا غرامه لو ركبتوا هنا تانى 22 جنيه ونص
الست بصت ليا
قلت ليها بصوت واطى ده عبيط احنا مبندفعش هما بس
راحت صرخت وقالت : لا يا حبيبى انتوا بس
شويه طلعت ست كبيره فى السن قوى وشكلها تعبان وهتموت وتقعد انى حد يقعدها ابدا عالم برده
بامانه دمى اتحرق بس اعمل ايه منا واقفه
واللى زاد وغطى سواق المترو مجنون كل شويه بعد ما يقف فى المحطه يقفل الباب ويشتم شتيمه وحشه فى الركاب
زكى يقفل الباب علشان محدش يطلع يرد عليه ولا يضربوا
كل ده وانا هفطس مفيش اكسجين ولا فى دم
المهم الست قالت : هو ده مترو ولا ايه
وشوشتها وقلت : دى فسبه معفنه كمان
الست بصوت عالى " اه دى فسبه صحيح "
المهم ضكت بما فى الكفايه
الست وصاحبتها نزلوا وفضى مكان ليا ومكان للحجه وعقبال ما جيت اقعدها قعد مكانى نطع وعمل عبيط
الست العجوزة : تعالى اقعدى انتى يا بنتى
انا : لا ابدا خليكى يا امى
العجوزة : لا ده مكانك هقف انا
انا : ابد والله العظيم ابدا
ان البعيد يحس لالالالالالا ان النطع يشعر
واللى منرفزنى انه عامل نفسه متدين واخوان مسلمين
اقعدت افكر والبعيد عمل ليه كده
قلت يمكن مضايق من شكلى النضيف وقال مدام متقامعه كده اقفى احسن ومسبسبه شعرك ولابسه نضاره ياختى اختشى
شويه والابعد قعد مكانى ماهو خلاص مكان ابوه بيحكم فيه ست منقبه
قلت اصحاب العقول فى راحه
وكبرى يا سيكو هنبتدبها عصبيه
يعنى الابعد لو دى امه كان وقافها كده حمااااااااااااار
وقال ايه متدين ابن العبيطه
شويه ونزلت وانا نازله
افتكرت مسرحيه الزعيم والدعاء لرئيس الجمهوريه وقلت
اللهم افقر الزعيم وخليه يركب مترو الانفاق
اللهم امين
على راى الاخت نجلا لما قالت
بح خلاص ......مفيش
هتقولوا هى ايه يا سيكو
قلت ليكوا قبل كده متفهمونيش غلط
اللى خلاص وبح
مفيش رجاله خلاص خلصوا بقى حبه فى الاوكازيون وقرب العدد ينفذ
ليه بقى احكى ليكوا
النهارده الصبح قمت من النوم مفستكه وتعبانه مووووووووت والبرد شديد ومخبيش عليكوا طول الليل احلم احلام وحشه
قمت وافتكرت هيفاء وروحت لغايه المرايا واقعدت اسرح شعرى واعمل ماسك
لكن.....................مع الاسف .......................مع الالم ...........مفيش فايده
لقيت الحاجه امى اللى اول ما شفتنى تعبانه قالت
امى : احسن ربنا يهدك يا سيكو
سيكو: ليه بس على الصبح
امى : علشان تبطلى ضحك عليا
سيكو : طيب
امى : وانتى بتعملى ايه فى وشك
سيكو: بلعب وشى وانا حره
امى : اش تعمل الماشطه فى الوش العكر
سيكو : ماشى يا ماما اوعى وشك بقه وانزلى روحى السوق احسن
نزلت ماما ونزلت معاها وروحت ركبت ايه
المترو
ودى كانت غلطه وعلى راى هانى شاكر غلطه ونادمان عليها
المهم روحت عند عربيه السيدات
لكن
لما ركبت لقيتها كلها رجاله
فى سرى هما قلبوا بعد هيفاء ولا ايه
ركبيت وركب معايا اتنين ستا ت واضح انهم راجعين من شغل مع انى كنت الساعه12 الضهر
وحصل الاتى
المشهد جوه صعب الدنيا زحمه خالص والرجاله مجازا مسطعبطه وقاعده
الست : هى دى مش سيدات
راجل : لا غيروها امبارح بقت الرابعه والخامسه
الست لصاحبتها : طب وليه دول اغبياء قوى طب ميا خلوها الاخيرة وخلاص ايه الروشه دى
يعنى هنقعد نعد
صاحبتها : وايه الرجاله لما صدقوا ايه الغل الدفين ده
الست واضح انها تعبانه وهى وصاحبتها عمالين يبدلوا فى الكرسى وكل الرجاله قاعده والستات يا عنى واقفه والرجاله عمالين عبط
واذ بواحد عريض المنكبين ضخم الجثه وعلى مستوى نظرى شوفت ركب بنى ادم قااااااااااااااااااال
ان الحكومه عملت كده بسبب حدثه حلوان والست اللى كانت سببها هى والعيال
وقعد يعك بالكلام
كل ده وانا واقفه بتابع بعينى بس
الست ردت وقالت : طيب
الراجل : ما انتوا وعيالكم السبب
الست سكتت
قلت اخش بطريق غير مباشر وملت عليها وقلت فى ودنها واحنا مالنا
الست بصوت عالى : واحنا مالنا
الراجل : ما انتوا وعيالكم السبب
انا فى ودنها واحنا جبناهم لوحدينا ما هما مش السبب هما جم لوحديهم اشعال ذاتى يعنى
الست : هو احنا جبناهم لوحدينا ما انتو السبب كتكوا هم يعنى جم لوحديهم ما نتوا السبب
فى سرى حلوة اللعبه دى عجبتنىانا فى ودنها : ومعندهمش دم قاعدين وموقفنا وفى الاخر شاغلين خدمين عندهم
الست بصوت عالى قوى : اه وفى الاخر نرجع من الشغل نتزرع فى المطبخ علشان تتطفحوا
الراجل : من بكره هيدفعوكوا غرامه لو ركبتوا هنا تانى 22 جنيه ونص
الست بصت ليا
قلت ليها بصوت واطى ده عبيط احنا مبندفعش هما بس
راحت صرخت وقالت : لا يا حبيبى انتوا بس
شويه طلعت ست كبيره فى السن قوى وشكلها تعبان وهتموت وتقعد انى حد يقعدها ابدا عالم برده
بامانه دمى اتحرق بس اعمل ايه منا واقفه
واللى زاد وغطى سواق المترو مجنون كل شويه بعد ما يقف فى المحطه يقفل الباب ويشتم شتيمه وحشه فى الركاب
زكى يقفل الباب علشان محدش يطلع يرد عليه ولا يضربوا
كل ده وانا هفطس مفيش اكسجين ولا فى دم
المهم الست قالت : هو ده مترو ولا ايه
وشوشتها وقلت : دى فسبه معفنه كمان
الست بصوت عالى " اه دى فسبه صحيح "
المهم ضكت بما فى الكفايه
الست وصاحبتها نزلوا وفضى مكان ليا ومكان للحجه وعقبال ما جيت اقعدها قعد مكانى نطع وعمل عبيط
الست العجوزة : تعالى اقعدى انتى يا بنتى
انا : لا ابدا خليكى يا امى
العجوزة : لا ده مكانك هقف انا
انا : ابد والله العظيم ابدا
ان البعيد يحس لالالالالالا ان النطع يشعر
واللى منرفزنى انه عامل نفسه متدين واخوان مسلمين
اقعدت افكر والبعيد عمل ليه كده
قلت يمكن مضايق من شكلى النضيف وقال مدام متقامعه كده اقفى احسن ومسبسبه شعرك ولابسه نضاره ياختى اختشى
شويه والابعد قعد مكانى ماهو خلاص مكان ابوه بيحكم فيه ست منقبه
قلت اصحاب العقول فى راحه
وكبرى يا سيكو هنبتدبها عصبيه
يعنى الابعد لو دى امه كان وقافها كده حمااااااااااااار
وقال ايه متدين ابن العبيطه
شويه ونزلت وانا نازله
افتكرت مسرحيه الزعيم والدعاء لرئيس الجمهوريه وقلت
اللهم افقر الزعيم وخليه يركب مترو الانفاق
اللهم امين
هناك 10 تعليقات:
السلام عليكم
آسف لو كان تعليقى سبب حرج ما أردت الا إضفاء روح حلوه فى المدونه فقد توحشت موضوعاتك منذ فتره جدب ليست بالقليله
الموضوع الفائت حلو وده كمان جميل
بقيتى بتتكلمى فى السياسه يا سيكو
فى بعض الكلام مش عاجبنى كده
انتى تحاملتى قوى على الواد بتاع الإخوان وستيه بإمه
ده مش من خلق الإسلام
هو غلط غلطين اولا انه ركب عربيه حريم
ثانيا انه قعد فى حين وقوف الآخرين
بس ممكن يبقى ليه عذره
والرسول الكريم محمد صلى الله عليه وسلم علمنا
(لا يسب أحدكم أباه وأمه..قالوا: كيف يا رسول الله ..قال يسب الرجل أبا الرجل فيسب أباه ) إلى أخر الحديث او كنا قال الحبيب
يعنى الفكره هنا فى انك هتسبى والدتك انتى
الشتيمه بتلف تلف وترجع لصاحبتها
ربنا يجازيك الخير والثواب
بس بجد انتى مشكله ودمك عسل
سلميلى على صديقك
إمضاء :ميراج..
ايه يا ميراج انت مش عارق تقرا
فين امه دى الا سيتها
انا بقول لو دى امه كان سابها واقفه كده
وانا مبحبش الاخوان انا حره يا سيدى
بحس انهم بيمثلوا ايام الهجره
ومش فاهمين حاجه فى الدين
وواخدين المعنى الظاهر بس مش اكتر
ربنا يهديهم
ويعلمك القراءه بتانى بعد كده
بصى يا قمر الحجات دى هتقابلى منها كتير قوى الرجاله اتعدم عندهم النظر وده بصراحه ملوش علاقه بمتدين وغير متدين دى اخلاق على الرغم انها المفروض تبقى عند اللى بيرمزوا للتدين اقوا بس مش بالشكل خالص يعنى على رأى المثل دقن شاش ومتر قماش فهمتى بس مدونتك سكر عجبتنى قوى بتنتقدى باسلوب ساخر حلو
وقع منى تعليق لى اباى
اعاااااااااااااااااااااااااااااع
انا كنت هعيط زعلت قوى
بس انبسط التعليق كان حلو قوى قوى قوى
شكرا يا قمر
يا سيكو بلاش السيكو دة اتجاة الرجاله
وبصراحه الموضوع ملوش دعوة بمتزم او لا لانىاحب اعرفك قعدة مهمه جدا فى السيكو
وهى
انى احنا بشر يعنى بنغلط دة طبعنا ربنا خلقنا كدة
يعنى لا الرجاله شيطين ولا ناتى ملاك يا سيكو
وشافى هو الله
احمد الجيزاوى
السلام عليكم
اوبا احنا بنقلب على بعض
طيب يا سيكو..حزب الرجاله اتكون خلاص
اسيبك يومين واروح اشوف مذاكرتى وبتاع ارجع ألاقينى متشرد
انا مش بعرف أقرا يا سيكو
ابقى شوفى مين هيعبرك برد تانى بقه
هسيب المحل بتاعك ينش ...
هئ هئ هئ
***
انتى قلتى لو الخليه العصبيه اللى حيلتى لسه بعافيتها(ابن المجنونه ده)
وبلاش تزيين الحقائق
***
حبك للإخوان من عدمه ده حريه شخصيه ماحدش يقدر يشاركك فيها
بس لما تتسألى أمام رينا سبحانه وتعالى
لازم يبقى عندك إجابه مقنعه
مش الهبل(لا مؤاخذه) اللى انتى كاتباه ده..يعنى ايه بيمثلوا أيام الهجره
ياريتنا نرجع لأيام النبى محمد صلى الله عليه وسلم
أما عن تطبيق الدين فهما فعلا عندهم بعض المخالفات وبيطوعوا النصوص الدينيه بطريقه خاطئه نسبيا
فاهمين الدين بطريقه معينه وبيطبقوه على أساسها(يعنى السلطه هى طريقتهم لخدمه الدين
رأس الهرم يعنى
الغايه تبرر الوسيله
نجتمع فيما اتفقنا عليه ويعذر بعضنا بعض فيما اختلفنا فيه
***
مش مجال تفنيد فهم الإخوان للدين
بس بلاش نتحشر فى حيز الضيق (ونصدر حكم على واحد انه غخوان إذتن نكرهه
مش سبه ولا شتيمه
انا معترض مع الإخوان طبعا وفى مناقشات بتدور بينا..بس بحبهم لأنهم مسلمين
الأصل فى الإسلام الحب فى الله ولله
**
ومن السبعه الذين يظلهم الله بظله يوم لا ظل إلا ظله
رجلان تحابا فى الله اجتمعا عليه وتفرقا عليه@@@@
لما تحبى حد يبقى علشان هو مسلم وبيحب دينه@@ غيره على الدين يعنى
***
تحياتى وهبقى اقل لبابا يغيرلى النظاره الأثريه دى علشان أعرف أقرا كويس
بس انتى ادخلى عليا بالموضوع التانى
عن المترو أكيد برده
بدل الجفاف الفكرى اللى انتى فيه ده
سلامى
السلام عليكم..العزيزه ابى
أولا بعد اذن سيكو لأن البيت بيتها
ومشكوره انها شالت كومنت موديراشن
بس فى بعض الألفاظ استفزتنى
***
الأخلاق اتعدمت
ازاى يا اخونا طب والله انا دايمن بركب واقف ببقى قاعد فى أمانه الله والأتوبيس مليان على أخره
بس فى ست تقوم راكبه (معذوره طبعا متااخره على الشغل وكده ومضطره )
علطول من غير تفكير بقف
بس فى نقطتين
1_ لو وقفت علشان أخلاق وتقاليد..ولا علشان المفروض اقف...مش هاخذ ثواب فى الآخره
2_ وقفت علشان ده خلق الإسلام والنبى محمد صلى الله عليه وسلم علمنى كده فى حديث لا تحقرن من المعروف شيئا
هاخد ثواب كبير
يبقى دى اللى بيفرق بين 2 بياكلوا فى نفس الإناء واحد تتملى صحيفه حسناته وواحد عادى لا ليه ولا عليه
*****
فى ناس كتيره بتقف ..يعنى مثلا كنا فى مره فى أتوبيس
انا قمت وبعدين بعدى 3 قاموا
يعنى بدلنا 4 اماكن ب4 بنات أو ستات
بجد اى بنت بتقس علطول
محترمه مش محترمه
مسمله مسيحيه
عجوزه ..صغننه
لسه الدنيا بخير يا اختى
*************************
لفظ تانى برده استفزنى حبه كده
ازاى مالوش علاقه بالدين
إنما بعثت لأتمم مكارم الأخلاق
دى كلام الحبيب محمد صلى الله عليه وسلم
****
بلاش تهميش الدين ده يا جماعه
أحاسنكم اخلاقا دى فيها أحاديث كتيـره
عايزه موضوع لوحده
***الدين بيعلمنا الخلق القويم وإن كانت التربيه بتغرس فينا شويه بس من منظور دينى برده
*****
ذقن شاش ومتر قماش
ده بقه بجد بيفكرنى بموقف كده لمحمد أخويا
كان دايما بيقولى على ذقنى
ليه (بتاعه المعزه أجلكم الله)
ويحب يتريق عليا(أصلها طويله وكده)
المهم اقله اسمها لحيه ..يزود برده
***
جيت فى مره وقلتله
انت عارف..ان النبى محمد صلى الله علسه وسلم كان مربيها ولما جاله اعرابى مربى شنبه وحالق لحيته
غضب واحمر وجهه صلى الله عليه وسلم وقال إنما أنا فقد أمرنى الله بإعفاء هذه
مش هدخل فى حكمها
بس ثبت أن الحبيب محمد صلى الله علسه وسلم وكافه الصحابه لم يأخذوا من لحاهم شئ (رغم توافر الأدوات) اللهم إلا واحد كان يأخذ ما يزيد على قبضه اليد...
اللحيه مظهر إسلامى جميل ورائع ومش مجرد شعر ولا عفانه ع الوش
ده دين ...ومنهاج مسلم
وخلق النبى والصحابه ..هدى القدوات
بلاش نهين رموزنا بقه
مش معنى غن فى نوذج ملتحى اخطأ نكره الباقى
ومش معنى غن الإخوان أخطأوا نكره كل ملتزم ونوصمه بالتهمه(انت اخوان ياض)
على فكره هما مش بيعفوا لحاهم
*****
أنا مش بحب ألعب دور الخطيب ولا الداعيه
كلنا ذوو خطأ
بس انا بحب ربنا قوى وبحب النبى محمد قوى قوى
ومش بحب حد يجى يمت الإسلام وأقعد أتفرج
نخلى بالنا من كلامنا حبه علشان لسانما ممكن يودينا النار
تحياتى لكم جميعا
وفى انتظار تشريد سيكو
عاااااااا عااااااااااا
تصدقي طريقتك عجبتني اوي بجد ومدمونتك جميله
البلد مالها البلد مايل حالها
امبارح كنت بتفرج علي عم محمود سعد في البيت بيتهم وجابوا بتاع الضرائب العقايه وكان هيجيلي سكته قلبيه
قال ايه اللي واخدين شقق من بعد 1997
هيدفعوا 40 من قيمه الايجار كضرائب
محمود سعد كان قرب يعيط
ولسا البلد هتنفجر بجد
الى المدونfrake ghost
تحيةلمتابعتك المدونة
تعليق الذى كتبتة لسيكو عن ( الهبل الى كتباة), أحب الفت نظرك الى النقاط التالية:-
1-الحدث الرئيسى هو كيف يتعامل الرجال مع النساء فى المعاملات اليومية فى مجتمعناوهذا يحتاج منا أن نرى كيف يرى المجتمع الذكورى النساء,فهناك أختلاط فى المفاهيم لدى الرجال فمنهم من يراها مجرد أداة لتحقيق رغبة عضوية فقط لاغير, ومنهم من يضيف الى السابق أنها شر لابد منة لتكوين الاسرة
وأشباع الاحتياجات النفسية والعضوية ,ومنهم من يرى أنها الشريك المماثل والمختلف لتحقيق الاسرة الفاضلة
2-البلوج الذى قرأتة سيادتك يناقش ما سبق بطريقة بسيطة
3-بالنسبة للتدين,العبادات تخص صاحبها أما المعاملات فهى دليل تعمق التدين فى نفس الشخص , وأسلاميا لو وقع المسلم فى خطاء التميز بين المتفق والمختلف معة فى المنهج أو حتى العقيدة
فقد خالف منهج الرسول علية الصلاة والسلام,وأصبح حصيلتة من تعلم منهج الرسول فقط حركة عيناة على السطور
4-لاتقع عند عرض رأيك فى فخ تضارب المنطق فهل أذا لم أحب منهج الاخوان؟ أكون قد أرتكبت خطاء أسأل علية أمام ربى سبحانة وتعالى
5-بمناسبة الهبل الذى وصفت بة المدونة
فلى نصيحة على أسلوبك فى كتابة الجمل
يا سيدى أنت احيانا تخلط بين الافكار وبين وسيلة التعبير حتى تضيع أحيانا
الفكرة الرئيسية وكما أن من بلاغة التعبير الفنى أن نعطى المتلقى الفكرة سواء بعبارة لغوية أو صورة تعبرية بما يجعلة يتفاعل معها,وليس من البلاغة وجودة التعبير أن أكثر من أستعمال الادوات سواء كانت لغة أنجليزية أو عبارات عربية تضارب فيها المعانى
6-الشعور بالتعالى ليس من آداب الحوار
7-نرحب بك على المدونة دائما , فقد كنت من المشجعين ونرجو أن تستمر أخا وشريك تدوين والسلام عليكم ورحمة اللة وبركاتة
السلام عليكم
إلى الأستاذ الحشرى
لم أضع نفسى فى موضع مناظره كى أستخدم لغه عربيه فى الترويج لفكرى ولا اخلط وسيله تعبير(هى فى نظرى قبل نظرك) غير مناسبه
بس واضح انى اديت نفسى مكان أكتر من اللى انا عليه فى الواقع
ع العموم بعتذر لسيكو اعتبارى ليها أنها صديقه صاحبى
ومن منطلق الإعتبار الماضى ده اتكلمت بلغه قد تكون هجوميه فى رأى
لكنها من باب الضحك والتباسط
آسف مره تانيه ..أنا قريت ردى فعلا فى كلام جارح
زى الهبل (بس هو كان لفظه أيام الهجره) مش على الكلام اللى أنا بتابعه وماحدش فارض عليا ده
لما قلت ابقى شوفى مين هيرد عليكى تانى وهتنشى وكده(هزار مش من حقى )
أكرر أسفى بعد كده الكلام هيبقى لائق
وفى حدود انا بحرص على وضعها أساسا
***
فى أخر رد قلت منتظر تشريد سيكو
فى حذف هنى للمفعول(لى أنا)
بس لو كانت اتفهمت غلط دى كمان
***
أما عن نصائح الأستاذ الحشرى
فعلا ربنا يجازيك خير أفادتنى كثيراً
بس فى اختلاف معك فى بعضها
فمثلاً
1_سلخك للكلمه من جملتها وتحميلها ما لا يطيق
الهبل يا سيدى الفاضل الذى اجله حقا
لفظه السخريه من منطوق ايام الرساله
وليس ما أعكف على قرأته وأشيد بكاتبته..(حقا لها ليس مجامله)
2_ ما تكتبه المدونه اعلمه جيدا فقد قرأت ما بها كله تقريبا وعقلى ليس بالضئيل كى لا يستطيع ان يستنبط ما يدور فى فكر امرأه تريد ان تثبت للعالم من حولها أن لها كيان يجب أن يحترم كما للرجل ونظره سياسيه وواقعيه
مع بعض التحامل على نماذج ذكوريه
مصحوب بإرضاء نزعه نقصيه
بس ماعلينا
3_التعالى والهزار بينهما شعره رفيعه
أرجوك لا تتعداها
ليس من صفتى خالص خالص فلست غلا من طين وماأنا كى أتعالى
ليس من دينى وخلقى
أما الهزار فاعتذرت عنه سلفا
4_ نظرتك للدين (معامله وعبادات)
احترمها وأوافق عليها
وليس من دين محمد صلى الله عليه وسلم إلا ما قلته وأتفق معك فيه
5_ ماقصدته بالسؤال أمام الخالق
هو لم كرهت مسلما ولم احبب ملحدا
إذا كنت تحب سيكو فحتما ستحب من يحبها
ومن سيكرها تستبينه وإن لم يرتدع فستكرهه حتما
الله ورسوله ..معيار الحكم
من أحب الله ورسوله ..حتما هو حبيبى
وإن اختلفت معه فى بعض المعتقدات او التطبيق لنفس المنهج السلفى
***
عندما تسأل لم كرهت فلانا..
لانه إخوانيا
لا أظنه يندرج تحت طائله دعوى الجاهيله التى نهانا عنها الرسول حينما قامت الفتنه المشهوره
يا آل الأنصار
وي آل المهاجرين
**
رأيك فى كلامى من رأيى
فعلا استخدمت أسلوب أهبل وعبيط بتاع عيل صغير فى الحوار
وملاحظه تزيد من أحترامى لعقلك
فعلا الفكره ضاعت فى ظل تفاهه أسلوب العرض
تحياتى ولعل شفيعى هو عدم جديه الموقف فقد كنت أتخيل أن لا حساسيات بين الأصدقاء
***بعد كل شئ
أرحب بترحيبك وعفوا لن أفقد من حماستى لقراءه سطور الأستاذه سيكو لترا واحدا
***
بجد بحب المناقشه مع فكر كهذا
لى عتابان على سيكو
ليس بين الزميلين وسيط
لست بجبان كى تبعثى لى فى مدونتى برد كهذا..دون حتى تعليق على البوست أو ترحيب او سلام (ولعل حنقك من الرد دفعك لإرتكاب هذا الحدث بحسن نيه)
البوست الأخير مش هرد عليه إلا فى مكانه
لو كنتى لسه بتستقبلى كومنتات
فى النهايه أقدر الكل..واعتذر لمن أخطأت فى حقه
تحياتى للجميع ولعمو عبقرينو خصوصا
إرسال تعليق