الحمد الله
انا كويسه دلوقتى
صحيح درجة تمسكى بالحياة قل
وزاد عندة البرود خالص
بس عادى
نرجع بقى لموضعنا والعريس
كنت ناويه اكمل ليكو اللى حصل
لانكم هجمتونى علشان خاطروا واحضرونا بقة
دار الحديث التالى
العربر: ازيك
سيكو: الحمد الله
المهم بعد التحيات دخلنا فى الجد
سيكو : ايه مواصفات شريكة حياتك
العرير : كنت عاوزها بيضة
وبما انى سمراء فقلت با بيت طنشى خالص
وسالت تانى
سيكو : اية كمان
العرير : لا بس عاوزها بيضة
انا قلت مبدهاش نقل ادبنا
سيكو : حقك طبعا بس ممكن سؤال لو سمحت
العربر بابتسامة كبيرة
طبعا طبعا
سيكو :مممممممممممممم
انت قولت عاوزها بيضة
العرير : اه
سيكو : طب من غير زعل أسال
العرير: طبعا طبعا
سيكو : متاكد مش هتزعل
العرير : انا مقدرش ازعل منك
****************
سيكو : بيضة صح
العرير : اه
سيكو : بيضة بصفار ولا بصفرين
طب بلاش مسلوقة ولا مقلية
قوم من هنا ياد يلا يا حبيبى روح ماما عاوزاك بدل ما امد ايدى عليك
ماما الواد ده يمشى
مش كفاية اقرع وجايب شعرك على جنب
ده انا استحملتك علشان ماما وقلت يا بت طنشى خالص
لكن صدقنى اقرع وجايب شعرك على جنب وعدتها وقلت خلاص خلقة ربنا نعترض لا وكمان عاوزها بيضة
واضح انه فاكر نفسة فرخة وهيبيض
ارحمنى يا رب
ل
هناك 24 تعليقًا:
تقريبا قريت المدونه كلها...... ويهمنى تقرى البوست الجديد اللى لسا كاتبه لأنه برده تقريبا فى نفس الموضوع الجواز يعنى
متيألى انتى مزوداها شويه .... ارحموا الرجاله يا جماعه
احلى حاجه انه باين من طريقته انه عايزها بيضه
يعنى مبيقولكيش يبقى تفكرها ايه مثلا
لا ده بامانه
بتاعت محمد هنيدى فى الجامعه لاالامريكيه
امانه
انسان سطحى بجد يا سيكو الواد ده غبى
كنت عايز أقولك تديلو فرصة تانية , لكن خايف مع تكرار الفرص يقول نفس الكلام , و ساعتها هيجيب لنا نقطة على قلبنا , فدلوقتى أنا عندى اصرار انك تاخدى منه حق البيتيفور و البيبس
سيبك من الكلام اللى فوق دا .. انا بهزر
نصيحتى ليكى ..
اديلو فرصة تانية , و جايز الانسان اللى جواه يكون احسن كتير
.
سيكو
منورة الدنيا
أولا مدونتك جميلة ومتميزة ما قدرتش أقول ده في أول مرور ليا عند لإن الظروف كانت ما تسمحش
ثانيا بقى وبالنسبة للعريس
المشكلة إن جواز الصالونات ده جواز مظهر لإن الساعة اللي بيقعدها العروسة والعريس مع بعض مش هيا دي اللي تعرفك على شخصية اللي قدامك وتقربك منه
صحيح في حاجات بتبقى واضحة أوي زي التفاهة والغباء مثلا دول بيبانوا علطول
بس في عيوب مش هينفع تكتشفيها من قعدة واحدة
وبرضه مميزات مينفعش تأخدي بالك منها من أول مرة
أنا مع جميز أديه فرصة تاني يمكن مع الكلام تتضح ملامح شخصيته أكتر
تحياتي
نسيت اقولك البقيه فى حياتك
وشكرا لزيارتى
ورأيي لا تعطيه فرصه اخرى فهو أصلا مش مقتنع بيكى ..... وعايزها بيضه
ازيك يا ج . م . ع
شكرا لزيارتك مدونتى
اولا انا مش مزوداها بس هو عبيط عاوزها بيضة
ثانيا : لو سبناكم فى حالكم هنعكنن على مين
ثالثا
البقاء لله وشكرا قوى لذوقك
صوت من مصر
مبسوطة قوى بكل الاصدقاء الجدد ده شى سعدنى جدا وفعلا انا لاحظت انه سطحى جدا ومش مهتم غير بالمظهر عبيط
وعلى فكرة اقفل البلوتوث
مدونتك جميلة
جميز انا مصره اخد حق البتى فور واربعة جنية حق البيبس
ومش هديلوا فرصة
لانه عاوزها بيضة
وانا فرخه
قصدى سمراء
اه اعمل اية اديلو اتنين وش معجون البيض يعنى
بتسعدنى زيارتك
هبة
انت انسانه بجد وزوق جدا مرسى لسؤالك
وعلى فكرة الموضوع ده كان قلا وفاة مى
بعد وفاتها تقيمى للحياه اختلف نهائى
ابقى ريالينى كتبر
انا منتظراكى
سيكو
بصي يا سيكو انا معاكي ان العريس اللي مامتك جيباه ليكي ده سيكو خالص ومعقد وكان بينضرب من مامته وهو صوغير
-*-*-
بس اسألك سؤال
من قبل ما تقابلي العريس السيكوباتي اللي مامتك جيباه ده
انت في قرارة نفسك .. كنت متخذة قرار الرفض من قبل ما تقابليه ولا قلتي اللي فيه الخير هيقدمة ربنا وسيبتيها على ربنا
لان بجد لو كنتي متخده قرار الرفض يبقى انتي ظلمتيه وظلمتي نفسك
ممكن من التوتر هو مش عارف يتكلم
يعني عندك الاستاذ خطيبي يوم الخطوبة وانا مش قصدي اصيح له
لبسني الانسيال غلط
واخته كملت لي تلبيس باقي الشبكة
ده انا كمان من كتر غلبي معاه وهو مجرح ومبرجل ومش عارف يمسك ايدي في الصور انا اللي مسكت ايديه جنني
مع انك اللي يشوفه يقول مقطع السمكة وديلها .. بس ساعات المواقف اللي زي كدا بتكون جديدة على الشباب زي ما بتكون جديدة على البنات
انا برغي كتير صح ؟؟
المهم انا عايزة ااقولك " البقاء لله "
وصدقيني انا مش قادره ااقول اني حاسه بنفس ألمك بس اللي عايزة ااقوله اني انا كمان فقدت اكتر انسانه بتحتاجها اي بنت في حياتها وخاصه في الاوقات اللي انا فيها دي
بس اكيد ربنا هيكون اكرم عليها من عباده
خالص تقديري وحبي
تقبلي مروري
ههههههههههههههههههههههههههههههه
والله انتي عسل انا عارفه نستحمل ناس معندهاش دم يا شيخه عايزه الحرق
يا نهار ابيض دا انتى مجنونه بجد وطلعتى جنانك على الراجل طيب كنتى سبيه يقول اللى فى نفسه يا شيخه حرام عليكى كده
يمكن الراجل نفسه فى البيض وانتى مش فاهمه هههههههههههههههههههههههههه
حمد لله على سلامتك يا قمر
بداية بالنسبة لحكاية عاوزها بيضة ممكن يشتريلوا فرخة اوفره ولو ان الفراخ غليت اليومين دول , طبعا تفكير سطحي جدا ومش محتاج تعليق ..
اما بالنسبة للشغل في البلد فهو اكيد في شغل بس هي القضية في نوعية الشغل وكمان في المرتب اللي ممكن يعادل الارتفاع الجنوني في الاسعار ,يعني دلوقتي مثلا 300 جنيه او 400 جنيه متكفيش طالب مصروف وكتب في الشهر اشحال اي انسان مفروض ايكون بيت واسرة
تقبلي مروري
ياسلام عليكى يا سيكو
عالطول محبكها
مالراجل قالك عاوزها بيضا
انتى ليه مش مفتحه دماغك بس
دى انبوبه فير اند لقلى وتبقى مشرقه زى الاعلانات
طيب الراجل جاب من الاخر
ولا اتكلم فى خفه دم ولا اتكلم فى طبخ وغسيل
ولا قالك صوتها يكون جميل
قال بيضا
بيضا
بس بيضا
بالزمه فى شروط اقل من كده
الراجل ده خسرتيه
خسرتيه
خسرتيه
وخليكى قاعده كده
اما نشوف اخرتها معاكى يا سيكو
البوست دمه سكر
خصوصا بعد البوست بتاع صديقك
مع انى كنت فاكر دى صورتك انتى بعيد الشر عليكى
تحياتى
سيكو
ارحمى العرسان شويه
هو اقرع وجايب شعره على جنب بس ؟
ولا فى عيوب تانيه ؟؟؟؟
لو كان جايب شعره على جنب بس مش عيب
لان اى واحد مفروض يجيب شعره على جنب وميسبهوش فى وسط الشارع علشان الحوادث
وتحياتى
المدونه جميله اوي دي اول زياره
انا مش هتكلم عن موضوع البيضه قصدي الفرخه قصدي العريس
ـــ
البوست الا قبل كدا تعبني اوي بجد
الله يرحمه .... البقاء لله
ــــ
تحياتي ليكي ... وزة
والله ياسيكو الواد العرير ده شكله بيتفرج على ميلودى كتير
وعلى فكره انا اسف انى بفتح موضوع صاحبتك بس بجد والله انا حا سس انى عارفها من زمان
سلام المنقذ
يااااااه
أنا مش متأمد بالظبط أنا فهمت صح ولا لأ؟!
بس ربنا يكرمك يارب
بس حلوة أقرع وجايب شعره على جنب دي
بس أنا مش فاهم إيه اللي ميدايقك؟
هو عايزها بيضه إديها بياض
هو وش أساس و عليه وش أول وبعدها الفينيش يبقى كده فل أوي
طب إنتي فعلاً قولتيله قوم يااااه؟
طب ورد قال إيه بقى؟
تحياتي
بصراحه دمك زى السكر
ومدونتك حلوه بجد
اول زياره ليا لمدونتك
ولن تكون الاخيره
ويسعدنى ان نتواصل
تقبلى تحياتى
الا صحيح
هو كان اقرع فعلا
ولا اقرع ونزهى
ههههههههههههههه
ههههههههههه....رد فعل مناسب جداً
أولا البقاء لله
ثانياً
العرسان حصل لها ايه بقوا بيتشرطوا علي ايه ربنا يوقعهم كلهم في اللي تربيهم
ابقي تعالي
مش عايزها بتفهم
او ذكية
عايزها بيضه
يقي دماغه مافيش ابيض منها
هههههههههههههه
ههههههههههه
والله زى العسل ياسيكو
حلو اوى العربر دا
هههههههه
دمك خفيف جدا
بس مقلتيش هو رد قالك ايه
مسلوقه ولا بصفاررين
ههههههههه
تحياتى ليكى سيكو
احمد سكر
بيضة
عريس عايز ها بيضة ما تفهمنيش غلط لان الشباب بيستخدموا الالفاظ فى غير مكانها يعنى ممكن وبالذات فى حكايه البيضه ديه معناها خنيقه يعنى العريس ده كان عايز عروسه خنيقة وانتى كنتى قولتيلوه ان انتى كمان عايزة عريس بيضه برضه بس للاسف هو عايز يعمل نضارة يعنى شافك بلاك يقول مثلا عايزها دمها خفيف عايزها رفيعه من الجناب ومسحوبة من تحت كده يعنى ينوع الاجابات عشان النفس
*******************************
ما تبقيش خنيقه وتتخنقى منى انا بهزر معاكى
********************
ان شاء الله هتتكعبلى فى عيل تمام وتتجوزى وتبطلى تتفرجى على هايفه وهبى
وعلى فكرة انا قريت المدونة كلها لغايه موضوع هيفا والسؤال الازلى استك ولا بلاستيك بالذات فى موضوع هايفا بيفكرنى بموضوع الفرخة الاول ولا البيضه والبيضه بتفكرنى بالعريس اللى جالك اللى هو اقرع وفارق شعرة من النص اقصد عامل سبايكى
وعلى فكرة هو لا استك ولا بلاستيك عارفه ايه ده
**** ده افترا هو اللى عمل فى هيفا كده
وبالنسبه لموضوع الفرخة الاول ولا البيضه اجابتى انا الديك الاول
إرسال تعليق