اه .............يانى
من يومين كده وزتى والحمد الله موبيلوا انتحر ليه بقة ألأكيد أكيد
أتخنق منه
المهم
يا شباب قصدنى ننزل نشترى واحد جديد
الجهاز القديم كان بيرد ويتصل أحيانا وأحيانا اخرى كان بينفض لصاحب الموبيل
وزتى طبعا ( صديقى )
وواضح أن الموبيل أتخنق وأنتحر فى النهاية
المهم
عدى عليا فى الشغل ونزلنا وسط البلد وضربنا أتنين كشرى من التحرير
ودفعتوا الحساب وأطفست وكلت رز بلبن ما وزتى اللى عزمه بقه
وقلت يا بت يا سيكو ما هو ببلاش
وبعد كده قعدنا نلف نلف نلف نلف
نلف نلف نلف
دوختم صح
ما هو دوخنى برضوا وكنت هضربوا بس ربنا ستر
وكنا ماشين وبما انى مزة قعدت اتعاكس وهو مولع نار
زنبى يعنى ان الناس مش شايفه سيادته ماهو اللى عامل زى سلكته السنان
ودار الحوار الاتى
وزتى : اجيب ايه موتورلا ولا نوكيا
سيكو : انت عجبك موتورلا
وبعد كده وأحنا ماشين روحنا اشترينا جلاليب لمامتى ومامتوا لعيد الام
بعشرين جنية اه والله عشرين جنية
المهم
أشترينا الموبيل فى النهاية من الدقى بعد ما دوبت الجزمة
أشترينا الموبيل فى النهاية من الدقى بعد ما دوبت الجزمة
ودار الحوار الاتى
وزتى فرحانه طبعا بالموبيل
وقااااااااااااااااااااااااااااااااال
وزتى
سيكو هو فى بلوتوس
سيكو : ايه اسمه ايه
وكان فى يا حضرات بنت صغنونه عندها حوالى ست سنين لقتها بيتبص باستحقار لصديقى
وطبعا لسه بتبوص ليا قلت ليها ولا اعرفوا وهو انا اعرف المناظر دى
وروحت والجلبية طلعت قصيرة ومامتى فيها شبة فؤاد المهندس وحلفت يمين طلاق منا مرجعاها
ماله فواد المهندس
وبقول لصديقى اللى اتلحس من البلوتوسسسسسس
أرحمنى يا حبيبى علشان مولعش فى الموبيل واخليك تعيط علية
وبطل تنطط كل ما حد يعاكس
الناس مش شايفنك
او شايفنك ومطنشين
أكبر انت وأطول واعرض وهما يخافوا منك
مش عاوزة مناظر فى الشارع
وياريت تقفل البلوتوسسسسسسسسس
ويا عينى على الوز لما يدلع ويعرف البلوث
وانا عاوزة حق الجزمة اللى دابت علشان البلوتوس
يا وزة صعيدى
هناك 7 تعليقات:
هو ده اخرة اللى يمشى وراء الوز يا بنتى ماله البط البيكينى المدلع حتى اسمه حلو
بصى قولى للوزة ده ان كتر فتح البلوتوث بيجيب فيرس وكمان بيفضى البطاريه بدرى بدرى
اما حق الجزمه استعوضى ربنا عليه
وبعدين مش عيب عليكى مش عارفه طول والدتك اما سيكو صحيح ههههههههههههههه
سيكو
حمدالله علي سلامتك ياقمر انتي غبتي اوي
بس الحمد لله انك بخير
مش عارفه طول ماما ايه
ايه الاحراج ده
خدي منه الموبايل رهن لحد ما يجبلك جذمه
متغبيش تاني ياسيكو مدونتك جميله اوي وانتي لذيذه
سلامووووووووووز
وزة بردك هاه
سيكو
فينك من زمان
مبروك على الوزة الموبايل
وزي ما آبي قالت بلاش بلوتوث كتير علشان الفيروسات
ومعلش بقى استعوضي ربنا في الجزمة
سلام يا قمر
ضحكتيني اوي بجد
جميلة اوي ودمك خفيف اوي
ايه الحلاوه دى المدونه تجنن ياسيكو
نصيحه
خلى الوزة يخلى باله من الموبيل لحسن حد ينفخ فيه ويخدو منه
سلام ياجميل
سيكو يا جامد
ايه الحلاوة دى
على فكرة انا قرأت كل مدونتك
بجد جامدة موووووووووووووت
مستنى أقرأ البوست اللى جاى
مع خالص أمنياتى بدوام الابداع
وزه وسيكو
طاب انتى وموزه زى ما انتى بتقولى يعنى
طاب هو بقى ليه وزه ؟؟
إرسال تعليق