الاثنين، 24 ديسمبر 2007
بدون تعليق
المهم كلمه اخيره لكل البشر محدش بيفصل حد كل واحد فيه عيوب وفيه مميزات ومش معقوله كل حد اعرفه يبقا عاوز مقص يفصل فيا زى ما هو عاوز صعب انا بنى ادمه مش قماش والمقص بتاعهم ده بقطع فيا
وتنويه اخير انا كده ومش هتغير اللى عجبوا عجبوا واللى مش عجبوا مع السلامه وعلى راى دكتور السيكو يتاعى مش طالبه الحياه عصبيه ومحدش يستاهل
الاشتراك في:
تعليقات الرسالة (Atom)
هناك تعليق واحد:
السلام عليكم..
ازيك روحيه
مش من عوايدى اكتب بالعربى ..بس لازم اوضح بعض النقاط
وزيى ما بتقول مطربه الجيل الصاعد (حط النقط ع الحروف) ماعلينا
النقطه الاولى ..سعدي بزيارتك لمدونتى وإطرائك طبعا ...وسعيد اكتر بفرحتك بتعليقى وترحيبك بيا
النقطه الثانيه ..انتى قلتى فيه تحفظ ياريت اسمعه ..على فكره انا نقحت الرد ده كذا مره علشان ما يطلعشى جارح
النقطه الثالثه ..حاسس كمان شويه فى بوستات قادمه هيبقى حبيبى ..صاحبى سابقا ..صديقى مسبقا وزتى قبل المسبقا بشويه صغننه
فعلا كل المدونه بتدور حواليه انتى بتحبيه موووت
النقطه الرابعه ...الشخصيه بقه بتاعتك محتاجه وقفات ..انتى غلبانه قوى وطيبه موت وبتحبى تخلقى جو من الضحك فى كل اللى حواليكى بس للأسف انتى ساذجه ..يعنى فى مشاعرك كدا زي الطفله مش بتحسبى ابعاد الكلمه قبل ما تقوليها وده حلو ساعات لأنه بيحافظ ع التلقائيه وده مزيه جباره فيكى تحس طفله بتتكلم من قلبها كلامك بيوصل القلب علطول ..بسيطه جدا غير متكلفه على طبيعتك
بس ويا خوفى من بس..علاقتك مبالغه شويه مع الرجاله ..متحرره شويه يمكن من تربيتك الاوبن ولا من ثقافتك مش عارف بس بيتهيألى مبالغ فيها قوى
انتى بتتكلمى عن رجاله ايه نمنم ومادا
وحاجات تانيه كده..ثانيا فيه خاصيه مهمه جدا بتبقى فى البنت حافظى عليها
الحياء والخجل ...انتى بنت ..تعاملى مع النقطه دى كويس قوى
شايف الفاظ غريبه شبابيه طحن يعنى ..واد مزه وبنت مزه واهرامات الجيزه ومصر العاليه ..وبنت الدزمه
ده غير مصطلحات تانيه بجد فظيعه
نصيحه من اخ لأختو ارجعى واقرى كلامك تانيه بس بشرط بصى عليه من بعيد كده
وكأن واحده تانيه كاتباه
علطول ايه اللى جه فى بالك ..دى مش إنثى ..دى ذكر
اه والله ساعات كتير بنسى ان انتى بنت وانا بقرا لحد ما بلاقى عارفه ..شايفه
بقول اه ده بنت فعلا
وصاحبك قالك ..انتى مش بنت ولو على سبيل الهزار
بس فعلا ممكن هو بيفكر كده انتى صاحبه مش اكتر
يعنى استحاله تتطور معاه لفكره جواز
انما انتى واضح انك متيمه بيه لحد الغيره المطلقه عليه
شرشر بقه مافيش تعليق عليها ربنا يحفظنا
بس بجد انتى طيبه قوى وروح نقيه وطاهره بس تحافظ على إطار الحياء والخجل
النقطه الرابعه ...انا لما قلت سيكو ..مش كنت اقصد حاجه ..عادى جدا كلنا بيبقى جوانا اكتئاب وعندنا ف المستشفى حالا كتير عن الإحباط وفيه زيى حالتك ..العصبيه الزائده مع سه بارانويا ...وممكن نقول فى حبه بهارات من الشعور بالإضطهاد منبثق عن عقده ف الطفوله سببها قله الإهتمام نسبيا بالشيئ الكويس والاتجاه للبهرجه زيى (شرشر ) وامثالها
ماعلينا
النقطه الخامسه ....انتى بتكتبى حلو قوى على فكره وممكن يبقى ليكى مستقبل بس بشرط تنسقى الكلام
يعنى اديله فونت وخط كبير كده وشويه ..... على حبه فواصل
هتبقى فله
وكمان فيه لغه الحوار
يعنى ممكن تعملى سكريبتات تجنن
وطريقتها
(1) توصفى المكان مثلا النادى وتعملى الحوار اللى دار بينك وبين الدكتوره مثلا او بينك وبين صاحبك
(2) تدخلى معانا على المترو وتوصفى الحوار برده مع البيئه اللى حواليكى
(3) هنا بقه نروح ع البيت ونتكلم عن اثاثه ولما كلمك وكلمتيه الحوار دار ازاى
بجد انتى مستقبل فنانه بجد
بس ناقصك التطويع سنه
النقطه الخامسه ...انا لما قلت فى الفاظ مقززه ..ده لأن الأدب المفروض يبقى وسيله لتقديم فكره ..لنقل احساس
لتفريغ شحنه ..هى دى النقطه ..يبقى نحافظ عليه من المحادثات اليوميه والألفاظ الى بتبقى فى التعامل العادى
النقطه السادسه ...انا كدا ومافيش غير كدا عندى مافيش حل تانى ..
بجد خليكى زيى ما انت
احلى حاجه فيكى انك على طبيعتك
اوعى تغيرى
وهو هيفهم ويرجعلك ...بس الحياء والخجل
وانتى مش محتاجه جلسه علشان تبقى هاديه
مجرد عزيمه واصرار وتبقى احلى واجمل وارق روحيه
النقطه اللى بعد كده..اسمك حلو قوى على فكره
النقطه الأخيره بقه..ياريت ما تكونيش زهقتى م الرغى ده ..ولا اضايقتى
بس بجد شايف حاجه حلوه جواكى ومستخسرها فى انها تبقى ف الطين لازم تتلمع وتبقى جوا المحار زيى اى لؤلؤه تانيه
انا بقيت من ضمن المدمنين لكتاباتك وقارئ دائم ليكى
تحياتى
إرسال تعليق